Fapea Samuel 15:34 - Buka Blahi Ka Cheke Holo

³⁴ Nu jame te magnahaghei togho ghau iara teuna, iagho ke pulo Jerusalem mala tei cheke eghu ka mae Absalom, ‘King, iara nou mae gloku iagho. Tifa na iara neke loku ranghini mae kmamu iagho, nu gognarona iara magnahaghei te loku ranghi nigho iagho.’ Ka puhi igne iagho tangomana te figri nogna cheke mae Ahitofel igre mala theo nafudi kolho.

Fapea Samuel 15:34 ပူးပေါင်းရင်းမြစ်များ

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Fapea Samuel 15:20

Ghotilo mei au katha vido kmoꞌei kolho agne balugu iara. Theome doglo iara te hata ghami ghotilo te tei tafri balugu iara na. Naugna iara theome laseni ka vido aheva nate tei au iara na. Te keli na iagho hata mae kheramu igre mala ke kafe pulo. Iara toreni Lord mala fablahi ghami nei reireghi fakeli ghami eghu.”

Josua 8:2

Iagho ginauna roꞌeni Ai balugna king, jateula teke eni iagho ka namono Jeriko ia eghu. Nu gognarona ghotilo tangomana te hata nomi glepo te keli malami themi. Eghume gognarona ghotilo tarabana mala magra ka namono tuana. Iagho chekedi keha mae soldia mala tei poru ke leghu namono mala snura kate iho teu mare na.”