Fapea Samuel 15:32 - Buka Blahi Ka Cheke Holo

³² Mae Devet haghe ka thogele Oliv ne tei ka vido blahi te mala tarai ka God na. Mae Devet ne thafoni mae Husae, kaisei mae ka vikegna mae Aki. Mae Husae ne rerheku nogna pohe na, aonu mana ne ghiha glose ka phaꞌugna na, fagaglana gna nogna diꞌanagnafa na.

Fapea Samuel 15:32 ပူးပေါင်းရင်းမြစ်များ

Josua 16:2

aonu tei me posani namono Lus, eghuteuna ke tei me salaꞌu Atarot fofotagna nodi rijon naiknodi Aki.

Fapea Samuel 1:2

Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Luku 19:29

Kate mei namo ka phei namono Betifes ghe Betani, rhegna thogele te kiloi Thogele Gaju Olivi, mana ne kurudi phei nogna mae fanomhore mala kulu ulu.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 3:7

Nogu Lord, mei fakarhi ghau. Iagho nabamu te magridire nogu naoka iara igre! Tapla sorudi nodi nolaghi naikno te diꞌa igre!

Ululahu Kings 11:7

Mae Solomon ne eni kaisei vido blahi ka thogele ke maghati Jerusalem mala tarai ka god Kemos, god te thono diꞌa fara igne nodi god naiknodi Moab. Eghuteuna mana jaola eni keha vido blahi na mala pogho soru ka Molek, kaisei nodi god te diꞌa naiknodi Amon.

Fapea Samuel 15:30

Eghuteuna mae king ne thofno diꞌanagnafa gna fara. Aonu mana ne hata koko nogna sadol na ne toku tafru phaꞌu gna na. Mana tanhi fabiꞌo ne haghe ka Thogele Gaju Olivi. Eghuteuna naikno te gnafa te tei balugna mana igre jaola ne toku tafru phaꞌudire balu tanhi.

Fapea Samuel 13:19

Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Ululahu Samuel 4:12

Kaisei mae ka tharaknagna mae Benjamin teke rikha ka magra na, mana ne tei posa Saelo ka narane tuanala. Mana ne rerheku nogna pohe na ne ghiha glose ka phaꞌugna na fagaglana te diꞌanagnafa na.

Fapea Samuel 16:1

Kate tei te posa mae Devet baludi thugna, nei nogna mae biꞌo teu gre te salaꞌuni thogele gaju Oliv igne, mae Devet ne thafoni mae Siba, nogna mae gloku mae Mefiboset. Mana hata ne mei phei dongki te luja phei gobi bret. Kaisei gobi piha grep gata, kaisei gobi piha fig, nei keha guli nanigot te fodu ka waen.

Fapea Samuel 17:5

Nu mae Absalom ne cheke eghu, “Ghotilo tei kiloni mae Husae, vikegna mae Aki ia mala nomhini tahati unha te ghathoni mana eigna gaoghatho igne.”

Ululahu Kings 4:16

Mae Bana, thugna mae Husae, mana reireghidi phei nohi Asa ghe Bealot.

Ululahu Kronikols 27:33

Mae Ahitofel mae mala tusu lao gaoghatho te keli ka king. Eghuteuna mae Husae vikegna mae Aki, mana kheragna keli king.

Fapea Samuel 16:15

Ka narane igne, mae Absalom nei mae soldia di Israel teu igre ne mei au Jerusalem. Eghuteuna mae Ahitofel ne mei au balugna mae Absalom.