Fapea Samuel 15:31 - Buka Blahi Ka Cheke Holo

³¹ Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Fapea Samuel 15:31 ပူးပေါင်းရင်းမြစ်များ

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 17:14

Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.

Jemes 3:15

Goghotu nei fahaehaghe teu igre theome gaoghatho mei funudi ka God. Theo! Nafnata gaoghatho te diꞌa tuare nogna naikno kolho, mei funudi ka mae Satan.

Nodi Khoje Hatimare Mae Jiu 41:9

Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Fapea Samuel 16:23

Ka narane tuare, gaoghathodi naiknore, u cheke te edi mae Ahitofel igre thofno keli fara neke mei funudi ka God. Neubane mae Devet ba mae Absalom thofno leghudi fara nogna cheke mae Ahitofel igre.

Ululahu Korin 1:20

Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.

Nodi Khoje Hatimare Mae Jiu 3:1

Lord, nogu naoka iara gre kmana fara.

Thoutonu Eigna Mae Job 5:12

Mana rorhoꞌe nodi gaoghatho mae iheire te diꞌa. Mala theome tangomana mare te thokeni unha te magnahagheni mare na.

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Profet Isaia 19:3

Gaoghathodi naiknodi Ijep re ginauna glaꞌe soru, eghuteuna iara ginauna goigoni nodi gaoghatho mare igre. Eghuteuna mare ginauna tei tarai ka nodi mumuju god mala toghodi. Mare ginauna tei filodi mae te au naitu khaekae nei iheire te au naitu nhaghe ba iheire te tangomana te cheke baludi tharungadi naikno tela lehehi ra.

Nodi Khoje Hatimare Mae Jiu 109:3

Eghuteuna mare edi ranghi ghau iara kmana nafnata cheke te diꞌa, nu iara theome eni kaisei puhi te diꞌa ranghidi mare.

Nodi Khoje Hatimare Mae Jiu 55:12

Jame kaisei mae naoka cheke fapari ghau iara, iara theome nangadi kolho nogna cheke mana tuare.

Profet Isaia 44:25

Iara famamajadi iheire te chaghi nei fariuriu toutonudi teu unha nate thoke mei nathuꞌu nauriha. Eghuteuna iheire te filo haghe ka nathunu are eghuteuna fariuriu chekedi unha nate thoke mei nathuꞌu nauriha teu igre theome tutuani kolho. Iara nhaꞌa faparidi nodi cheke mae te lalase igre mala laseni mare te nodi cheke mare igre theo nafudi kolho.

Fapea Samuel 17:5

Nu mae Absalom ne cheke eghu, “Ghotilo tei kiloni mae Husae, vikegna mae Aki ia mala nomhini tahati unha te ghathoni mana eigna gaoghatho igne.”

Fapea Samuel 17:7

Mae Husae ne cheke eghu ka mae Absalom, “Leuleghu fata na mae Ahitofel chekedi famane farirhiu ka tahati, nu gaoghatho te chekeni mana gognarogne theome keli.

Nodi Khoje Hatimare Mae Jiu 55:10

Bongi narane na mare tei faligohoni baragna namono na naugna mare kaikaliti fabrahu mala magra.