Fapea Samuel 15:27 - Buka Blahi Ka Cheke Holo

²⁷ Mae Devet neke cheke eghui ka mae Sadok, “Nogu cheke iara igre glolau ka iagho ba theo? Ghopa mae Abiata hata thumu Ahimas, balugna mae Jonatan thugna Abiata igre ke pulo Jerusalem.

Fapea Samuel 15:27 ပူးပေါင်းရင်းမြစ်များ

Fapea Samuel 17:17

Aonu mae Jonatan thugna mae Abiata ghe mae Ahimas thugna mae Sadok, phiamare ofo neu ka glokha khoꞌu En-Rogel ke kosi Jerusalem, naugna phiamare ne mhaghu nodi fara te tei lamna namono na. Glahu tharukhae nodi ka keha naikno. Aonu kaisei gaꞌase ne tei toutonu ka phiamare unha te edi ka narane tuare, mala tei phiamare cheke ka King Devet.

Ululahu Samuel 9:9

Mae Sol ne cheke eghu, “Keli fara. Tapa na tei ka mae igne mala filoni kaisei mifi.” Mana cheke eghu naugna ka narane igre, naiknore kilodi mae profet gre mae khaekae. Eghuteuna kate magnahaghei laseni unha ka God na, mare tangomana te cheke eghu na, “Tahati na tei ka mae khaekae.” Aonu phiamare ne tei ka namono aheva te au teu mae te mala chekeni chekegna God na.

Ululahu Kronikols 25:5

Mae Heman gne kaisei nogna profet mae king, eghuteuna Lord tusu ranghini mana nabotho fati thugna nalhaꞌu nei thilo thugna gaꞌase, naugna Lord neke nhaꞌa cheke mala fnaknoni nanghagna mae Heman.

Fapea Samuel 24:11

Ka narane igne, Lord ne cheke eghu ka profet Gad, nogna profet King Devet igne, “Gad, iagho tei filoni king, iara ginauna tusu ranghini mana thilo nabrou, eghuteuna mana na vavahi kaisei ka thilo nabrou igre. Eghuteuna unha nabrou te vahini mana igne, tuana ngala nate thokeni mana na.” Kate dofra haghe king ka keha narane na,

Fapea Samuel 15:36

Thudi phiare, mae Ahimas ghe mae Jonatan ra au baludi phia mae kmadire. Thoutonu te gnafa te nomhidi iagho igre, fanomhidi phiamare mala ke mei toutonu ka iara.”

Fapea Samuel 15:34

Nu jame te magnahaghei togho ghau iara teuna, iagho ke pulo Jerusalem mala tei cheke eghu ka mae Absalom, ‘King, iara nou mae gloku iagho. Tifa na iara neke loku ranghini mae kmamu iagho, nu gognarona iara magnahaghei te loku ranghi nigho iagho.’ Ka puhi igne iagho tangomana te figri nogna cheke mae Ahitofel igre mala theo nafudi kolho.

Ululahu Samuel 9:6

Nu mae gloku igne ne cheke eghu, “Ginau sagho! Kaisei mae nogna profet God na au ka namono igne. Naiknore ghatho tahuni fara mana naugna gobigna lepo te chekedi mana re thofno tutuani fara. Jame te keli na tapa na tei filoni mana. Glahu tangomana mana te chekeni ka vido aheva te au teu dongki igre.”

Ululahu Kings 1:42

Kate cheke teu mana igne, mae Jonatan thugna mae pris Abiata igne ne posa mei ka mare. Aonu mae Adonaeja ne cheke eghu ka mana, “Mei agne! Iagho kaisei mae keli fara, eghume iagho jame hata mei keha famane nonomho agne.”

Ululahu Kings 4:15

Mae Ahimas, mana reireghini nohi Naftali. Mae igne tolaghi ka Basemat, thugna gaꞌase King Solomon.

Ululahu Kronikols 6:8

Mae Ahitub neke kmagna mae Sadok, eghuteuna mae Sadok neke kmagna mae Ahimas.

Fapea Samuel 18:19

Aonu mae Ahimas, thugna mae Sadok ne cheke eghu ka mae Joab, “Snakre ghau iara sagho mala chari tei iara mala toutonu ka king eigna Lord te hata fadelei nodi nolaghi nogna naoka re.”