Fapea Samuel 15:25 - Buka Blahi Ka Cheke Holo

²⁵ Aonu king ne cheke eghu ka mae Sadok, “Ghotilo ke hata fapulo Bokis Blahi igne Jerusalem. Jame te kelitagna Lord ka iara na, mana ginauna nake hata fapulo ghau iara mala ke filoni iara Bokis Blahi igne balugna suga tapuale te au tagna na.

Fapea Samuel 15:25 ပူးပေါင်းရင်းမြစ်များ

Profet Jeremaea 25:30

“Jeremaea, iagho tei cheke ka naiknore cheke igre: “ ‘Lord ginauna eha fabiꞌo jateula lion eghu ka nogna naiknore funu kligna. Eghuteuna naogla gna mana igne poha jateula fila eghu. Eghuteuna mana ginauna fnaja fabiꞌo ka nogna naiknore. Eghuteuna mana ginauna eha fabiꞌo jateula mae te tapla ke kligna grep te mala ei waen ra eghu ka naikno te gnafa ka nauthoglu igne.

Nodi Khoje Hatimare Mae Jiu 84:10

Nogu God, jame te au kolho iara kaisei narane ka nou Sugablahi iagho na, tuana thofno keli fara salaꞌu jame te au iara nabagna kaisei thogha narane ka keha vido delei na. Neubane khogla kegra kolho iara ka grengathagna nou Sugablahi iagho na tuana keli fara salaꞌu jame te au iara ke lamnagna nodi suga iheire te gnognoro re.

Nodi Khoje Hatimare Mae Jiu 26:8

Lord, iara magnahagheni fara te au ka sugamu iagho na, ka vido aheva te au siasiglamu iagho na.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Profet Jeremaea 7:4

Thosei fatutuanidi cheke chaichaghi na theome lehe ghotilo teu koba naiknore igne, naugna nogu Sugablahi iara na au agne Jerusalem.”

Profet Isaia 38:22

Eghuteuna King Hesekaea ne ghusna eghu ka mae profet Isaia, “Unha nafnata fagaglana nate filoni iara te mala laseni iara na teke karha iara ginauna, mala teke tei tarai iara ka Sugagna Lord na?”

Nodi Khoje Hatimare Mae Jiu 122:9

Naugna te au nogna Sugablahi Lord nomi God ghehati ka iagho na, iara magnahaghei nigho fara te keli fabrahu tifa te tifa.

Nodi Khoje Hatimare Mae Jiu 122:1

Iara thono keli tagu fara kate cheke eghu naiknore ka iara na, “Tahati na kafe tei ka Sugablahi nogna Lord.” Aonu ghehati gognaro na kegra ke lamnagna Sugablahi na Jerusalem.

Fapea Samuel 7:2

Ka narane igre mana ne cheke eghu ka mae profet Nata, “Iara gognarona au ka famane suga biꞌo te horo ka gaju sida, nu nogna Bokis Blahi God na au ka kaisei suga tapuale kolho.”

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Eksodas 33:12

Moses ne cheke eghu ka Lord, “Iagho neke chekehi ka iara mala batudi naiknore mala tei ka glose teke nhaꞌa chekehi iagho ia, nu iagho neke theome chekeni ka iara ihei nate tei balugu iara na. Iagho neke chekehi iagho te lase ghau fara iara na, eghuteuna iagho jaola keli tamu ka iara.

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”