Fapea Samuel 15:2 - Buka Blahi Ka Cheke Holo

² Leuleghu narane na, mana kegra haghe hamerane boibongi tei kegra rhegna grengathagna namono biꞌo na. Kate filoni ihei te magnahaghei te tei filoni king te mala fadoglidi puhignare teuna, mae Absalom ne ghusna eghu ka naikno igne, “Iagho maemu ka namono aheva?” Eghuteuna ihei te chekeni ne maegna Israel teuna?

Fapea Samuel 15:2 ပူးပေါင်းရင်းမြစ်များ

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Thoutonu Eigna Mae Job 24:14

Mae te aknu poru igre kegra haghe hamerane boibongi, mala jifla aknu falehedi iheire te kuma. Uve, mare jifla bongiro mala blau.

Fapea Samuel 19:8

Aonu king kegra haghe ne tei gnokro ka grengatha gna namono na. Eghuteuna kate nomhini mae soldia igre te au teu mana jare na, mare ne kafe tei ka mana. Ka narane igne, mae soldia di Israel ra ne kafe rikha neke pulo ka nodi namonore.

Thoutonu Eigna Rut 4:1

Mae Boas ne tei ka grengathagna namono te mala faidu na ne gnokro ofo neu jare. Theome raugha mae Boas ne filo thafoni mae ihei teke chekeni mana ka Rut ia, mana ne mei salaꞌu jare. Mae Boas ne cheke eghu ka mana, “Ghema thabusigna, meigu sagho agne.” Aonu mana mei ne gnokro soru balugna mae Boas.

Eksodas 18:26

Eghuteuna leuleghu fata na mae igreu ngala te mala athagna u kot na. Mareu te mala fadoglidi puhi fapholai te bligi re, nu atha lao ka mae Moses puhi fapholai te biꞌo re mala fadoglidi mana.

Eksodas 18:16

Jame phia mae fari fapholai, phia mae igre ginau na atha mei ka iara puhi igne. Eghuteuna iara na fadoglini puhi tuana ka phia mare leghuni unha te chekeni ka nogna vetula God na.”

Eksodas 18:14

Mae Jetro ne filoni unha te eni mae Moses te mala toghodi naiknore igne ne cheke eghu ka mana, “Mae biꞌo, iagho edi kmana gloku fara te mala toghodi naikno igre. Naugna unha sagho te eni sopa kolho themu u gloku ignea? Naugna unha sagho te snakredi naikno gre te mei khapru faligoho nigho iagho funu hamerane te ghilei rafi gnea?”

Jenesis 34:20

Aonu mae Hamo ghe mae thugna Sekem, phia mare ne tei ka vido te mala faidu te au rhegna grengathagna namono na ne cheke eghu ka keha mae biꞌogna namono na.

Diutronomi 17:8

“Jame keha fata, keha puhi biꞌo te ninhigrana fara ranghini mae mala fate te fadogli gna na thoke mei. Jame puhi biꞌo eigna mae te lehe, ba fapholai ka thua nafnata vetula, ba ka puhi eigna kaisei mae te ghoreho. Jame puhi biꞌo jateula igne eghu thoke mei, ghotilo mala tei fadoglini ka vido blahi aheva teke vahini Lord, nomi God.

Fapea Kronikols 10:7

Eghuteuna mare ne cheke eghu ka mana, “Jame te keli fara iagho ka mare na, eghuteuna iagho edi unha te toredi mare teuna, mare ginauna loku ranghi nigho iagho eghuteuna kelitadi te leghu nigho fabrahu na.”

Profet Daniel 11:21

Mae igne neke cheke eghui ka iara, “Aonu, kaisei mae ginauna kegra king ka kantri Siria. Mae igne kaisei mae thono diꞌa fara puhigna na. Eghuteuna mana jaola theo nogna nolaghi te mala funei frunidi naiknore. Nu mana ginauna edi kmana nafnata cheke chaichaghi nei fahaehaghe eghu mala kegra king ka vido narane te theome tangomana kaisei naikno te laseni.