Fapea Samuel 15:18 - Buka Blahi Ka Cheke Holo

¹⁸ Aonu nogna mae biꞌo mana igre ne jajagha ne mei salaꞌu ka mana baludi mae soldia te mala reireghini mae king. Mae igre maedi Keret nei Pelet. Eghuteuna namno gobi soldia funudi Gat jare Filistia, mare jaola jajagha ne tei salaꞌu.

Fapea Samuel 15:18 ပူးပေါင်းရင်းမြစ်များ

Fapea Samuel 8:18

Mae Benaea thugna mae Jehoeada, mana mae komanda fei sekiuriti, mana vikedi mae Keret ghe mae Pelet. Eghuteuna thugna mae Devet igre mare mae pris.

Ululahu Kronikols 18:17

Mae Benaea thugna Jehoeada igne mana nodi komanda mae te mala reireghini King Devet. Eghuteuna thugna mae Devet igre, mare jaola mae biꞌo ka gavman.

Ululahu Kings 1:38

Aonu pris Sadok, profet Natan, Benaea thugna mae Jehoeada, nei hatimare mae te mala reireghini king teu te au faleghu ka vikedi mae Keret ghe mae Pelet igre ne cheke ka mae Solomon mala gnokro ka nogna dongki King Devet na ne hatani ne tei ka glokha khoꞌu Gihon.

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Fapea Samuel 20:7

Aonu mae Abisae ne hata balugna nogna soldia mae Joab nei maedi Keret nei Pelet mae iheire te mala reireghini king, nei hatimare mae nhuludi soldia teu igre ne tei hironi mae Seba.

Ululahu Samuel 30:14

Ghehati neke tei magra neke blau fahui nodi glepo naiknodi Keret, nei ka nohi ke mata Juda, nei ka vikegna mae Kelab. Ghehati neke blau nodi gobigna lepo mare re, eghuteuna ghehati jaola faghamu khaꞌaghi namono Siklag.”

Fapea Samuel 18:2

Aonu mana ne edi thilo tothoghei. Mana ne vahini mae Joab, mae Abisae thabusigna mana na, nei mae Itai maegna Gat mala baubatu ka thilo tothoghei igre. Aonu mana ne cheke eghu ka mare, “Iara ginauna tei magra ngala balumi ghotilo.”

Fapea Samuel 6:10

Aonu mae Devet ne tirogna te hata te mei Bokis Blahi igne ka nogna namono biꞌo Jerusalem. Aonu mare hata ne tei Bokis Blahi igne ne lilisei ka suga gna mae Obed-Idom maegna ka namono Gat.

Ululahu Samuel 23:13

Aonu Devet ne jifla ka namono Keila balugna nogna namno gobi soldia. Mare tei fabrahu ne theome au snoto kaisei vido. Aonu kate nomhini mae Sol te jiflahi mare Keila na, mana neke theome tei jare.

Ululahu Samuel 25:13

Aonu mana ne cheke eghu ka mare, “Ghotilo atha nomi naflahi mala magra ra.” Aonu mare te gnafa na ne kafe kaikaliti. Mana jaola ne famamhaku nogna nhugha na ne sara haghe nogna naflahi mala magra na. Mana vavahi phia gobi mae mala reireghiu nodi glepore, eghuteuna fati gobi mae te mala tei balugna na.

Ululahu Samuel 30:1

Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Ululahu Samuel 30:9

Aonu mae Devet ne jifla balugna namno gobi mae. Kate tei te posa mare ka khoꞌu te kiloi mare Besoa igne, mae Devet ne lisei soru phei gobi mae mala au ka vido igne baludi nodi gobigna lepore, naugna mare tei la ghilei babaꞌo fara la theome naba te tei kasa ka glogu khoꞌu igne. Nu mana ne atha balugna fati gobi mae.

Fapea Samuel 15:17

Kate jifla king baludi nogna naiknore ka namono na, mare mei ne posa ka suga te au ke kosigna namono na ne gnafa katha vido.

Ululahu Samuel 27:4

Eghuteuna kate nomhini te rikha te tei au mae Devet Gat igne, mae Sol ne theome ke fariu riu hironi mana.