Fapea Samuel 15:13 - Buka Blahi Ka Cheke Holo

¹³ Aonu, kaisei mae mei ne cheke eghu ka King Devet, “Gognarona, hatimare mae Israel kafe phile balugna mae Absalom.”

Fapea Samuel 15:13 ပူးပေါင်းရင်းမြစ်များ

Matiu 27:22

Mae Paelat neke ghusna eghu, “Unha nate eni iara ranghini mae Jisas te kiloi mae Kraes igne?” Mare ne kafe thagru fabiꞌo, “Tupijuruni ka gaju fafatha!”

Fapea Samuel 15:6

Mana eni igne ka naikno te gnafa Israel te magnahaghei mei filoni king mala fadoglini tagna nogna puhi na teuna. Ka puhi igne mae Absalom figri nagnafadi kmana di Israel mala leghuni thegna.

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Fapea Samuel 3:36

Kate nomhini nogna cheke king igne, naiknore ne thofno kelitadi ne gleale'a fara. Gobigna lepo te edi king igre, naiknore ne kafe keli tadi fara.

Nodi Khoje Hatimare Mae Jiu 3:1

Lord, nogu naoka iara gre kmana fara.