Fapea Samuel 15:10 - Buka Blahi Ka Cheke Holo

¹⁰ Nu mae Absalom kurudi keha mae mala hata tei nogna cheke mana igre ka vike te gnafadi Israel. Nogna cheke mana igre, “Kate nomhini ghotilo naoglagna khufli na, ghotilo eha eghu fabiꞌo, ‘Mae Absalom na la kegra king Hebron!’ ”

Fapea Samuel 15:10 ပူးပေါင်းရင်းမြစ်များ

Ululahu Kronikols 12:38

Mae soldia igre kelitadi kolho te loku fodu ka nogna armi mae Devet. Mare ne kafe mei ka namono Hebron, eghuteuna mare ne kaisei gaoghatho ngala ka mae Devet te mala king gna Israel. Tutuani, naiknodi Israel te gnafa igre jaola ne au nafnata gaoghatho igne.

Ululahu Kronikols 12:23

Kate au teu mae Devet ka namono Hebron, kmana soldia te nheta ne mei loku fodu ka nogna soldia mana re. Mare ne toghoni mana mala king tughuni King Sol, leghuni unha teke nhaꞌa chekeni Lord. Mae igre te hata mare te mala tei ka magra na:

Ululahu Kronikols 11:3

Aonu, lida te gnafa Israel igre ne kafe mei Hebron, eghuteuna mae Devet ne eni kaisei nhaꞌa cheke ka mare ke ulugna Lord. Mare tofa oel ka phaꞌugna mana na, fagaglanagna te king gna Israel mana na, jateula teke chekeni Lord ka Profet Samuel tifa ia eghu.

Fapea Kings 9:13

Mare ghosei ne fasukha nodi pohe brahu re ne pakra soru ke parigna mana mala kegra mana ke klignadi. Eghuteuna mare ne eha eghu fabiꞌo, “Jehu na mae King!”

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Fapea Samuel 19:10

Tahati neke vahini mae Absalom mala funei fruni ghita neku, nu gognarona mare faleheni mana ka magra. Tahati jame hironi kaisei nabrou te keli mala ke pulo mei King Devet mala funei fruni ghita.”

Fapea Samuel 14:30

Aonu mae Absalom ne cheke eghu ka nogna mae glokure, “Ghotilo lasenihi nogna nagare mae Joab te au rhegna nogu nagare iara ia. Ghotilo tei gnubra rais bali te kotu ka nagare tuana.” Aonu nogna mae gloku mana igre tei ne gnubra nagare igne.

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Fapea Samuel 5:5

Ulu lahu na mana neke au Hebron neke king frunini Juda fitu finogha namno nhigra. Eghuteuna ke leghu na, mana king frunidi gnafa Israel ghe Juda jare Jerusalem tolufulu thilo finogha.

Fapea Samuel 2:11

Mae Devet ne au soru ka namono Hebron ne funei frunidi naiknodi Juda nabagna fitu finogha namno nhigra.

Fapea Samuel 2:1

Ke leghugna te lehehi mae Sol ghe mae Jonatan igne, mae Devet ne tarai eghu ka Lord, “Lord, iara tangomana te tei au ka kaisei namono jare Juda na, ba theo?” Lord ne cheke eghu, “Uve, iagho tangomana te tei na.” Aonu mae Devet ne cheke eghu ka Lord, “Ka namono aheva nate tei au iara na?” Lord ne cheke eghu ka mana, “Iagho tei au ka namono Hebron.”

Fapea Samuel 15:9

Aonu king ne cheke eghu ka mana, “Iagho jifla tei ka pharikeli.” Aonu mae Absalom jifla Jerusalem neke pulo Hebron.

Ululahu Kings 1:11

Kate nomhini profet Natan eigna igne, mana tei ne cheke eghu ka Batseba idogna mae Solomon, “Adonaeja thugna Hagit igne gognarona kiloni thegna king, iagho nomhinihi thoutonu igne, ba theo? Eghuteuna noda king tahati igne jame jaola theome nomhiniu glepo igne.