Fapea Samuel 14:7 - Buka Blahi Ka Cheke Holo

⁷ Eghuteuna gognarona, vikegu iara re diꞌatadi fara ne cheke ka iara mala snakreni ia keha mae te karha teu igne mala aknu falehe. Naugna mana neke faleheni mae thabusigna thegna na. Nu mare jame magnahaghei te faleheni mana mala ke hata nomi glose ghehati na. Jame te eni mare igne na, iara ginauna theo kaisei thugu, eghuteuna khetogu iara na ginauna theo kaisei na teke tughuni nanghagna mana na.”

Fapea Samuel 14:7 ပူးပေါင်းရင်းမြစ်များ

Matiu 21:38

“Kate filoni mare meigna thugna mana na, mare ne cheke eghu fari thedi, ‘Igne thofno thugna mae khoto nagare ia. Mei ghotilo mala falehe nodani, mala ke khotogna theda nagare igne!’

Fapea Samuel 12:17

Goro mae biꞌo te au ka suga mana na, mare mei fariu riu fakegra hagheni mana, nu mana ne tirogna fara. Eghuteuna mana jaola ne tirogna te ghamu baludi mare na.

Diutronomi 25:6

Mae sua nalhaꞌu teke kulu karha ka repa na, igne thofno thugna mae teke lehe ia, eghuteuna nanghagna na ke fangangha ka mae teke lehe na. Ka puhi igne nanghagna mae teke lehe na theome tangomana te gnafa ke lamnadi naiknodi Israel.

Jenesis 27:45

mala gnafa ghu ka gaoghathogna na puhi teke eni iagho ranghini mana igne. Eghuteuna ke leghugna igne iara ginauna na kuruni kaisei mae mala ke ari cheke nigho iagho mala ke pulo mei agne. Iara theome magnahaghei ghami ghopa phei thugu gre te tei koko ghau iara kaisei narane na!”

Jenesis 4:14

Filo sagho! Iagho theome magnahaghei ghau iara te mala loku ka glose igne na, nei iagho magnahaghei ghau iara te tei delei mala thosei filoni tathagu iara na ka nou namono gne. Eghuteuna te chekeni iagho na iara gne mae mala tei tafri kolho ka nauthoglu igne. Eghume iara gne mhaghu nogu fara, eigna glahula te mei filo deni ghau mare na, mare ginauna na akni falehe ghau iara.”

Fapea Samuel 14:6

Tifa na, iara neke au phei thugu nalhaꞌu. Kaisei narane, phei thugu iara igre neke tei loku ka nagare. Jare repa ne fapholai fari thedi eigna kaisei glepo ne ghilei magra. Eghuteuna naugna te theo kaisei naikno jare te mala toghodire ne lehe keha na.

Fapea Samuel 14:8

Aonu king nomhini cheke igne, ne cheke eghu ka naꞌa, “Thosei nanga nou fara, iagho ke pulo ka sugamu na. Iara ginauna fadoglini puhi igne ka iagho.”