Fapea Samuel 14:20 - Buka Blahi Ka Cheke Holo

²⁰ Mae Joab theome fiti eni igne. Theo. Mana eni igne mala fadoglini puhi teke eni mae Absalom igne kolho. Nogu funei, iagho jateula engel nogna God te lasedi gobigna lepo te edi ka kantri igne ra eghu.”

Fapea Samuel 14:20 ပူးပေါင်းရင်းမြစ်များ

Fapea Samuel 14:17

“Eghuteuna iara jaola laseni, nou nhaꞌa cheke iagho igne ginauna togho ghau iara mala au fakeli nogu iara, naugna iagho funei. Iagho jateula nogna engel God eghu. Iagho tangomana te filo glanidi unha glepo te diꞌa nei unha glepo te keli teu igre. Eigna Lord, nou God te au balumu.”

Fapea Samuel 19:27

Eghuteuna mana ari chaghi neke cheke faparini nanghagu iara na. Nu iagho funei, iagho jateula nogna engel God eghu. Eghume iagho eni glepo te doglo na ranghi ghau iara.

Proveb 29:5

Mae ihei te chaghini nei famaemaheni teu mae kheragna fofodu na, mana jateula te lilisei phighoro mala fakhaleni mae kheragna fofodu na tura eghu.

Proveb 26:28

Mae te chaghi na tirognadi naikno te goigonini re. Cheke te mamahe na goigonidi gobigna lepore.

Fapea Samuel 5:23

Eghuteuna kate ghusna mae Devet ka Lord na, Lord ne cheke eghu ka mana, “Kate tei ghotilo te magra ka mare na, ghotilo thosei doglo tei ka mare. Nu ghotilo lithui ke leghu mala magra ka mare rhedi gaju balsam are.

Jenesis 3:5

Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.”

Ululahu Samuel 29:9

Mae Akis ne cheke eghu, “Tutuani fara, iara lase nigho iagho. Iara theome filoi kaisei glepo te jafra ka iagho. Te laseni iara na, iagho thofno keli fara ranghi ghau iara jateula kaisei engel nogna God eghu. Nu neuba, te chekeni mae komanda igre na, iagho theome nabamu te mei balumi ghehati ka magra na.

Fapea Samuel 18:13

Jame te huhughuni iara nogna cheke king igne te faleheni iara mae Absalom na, eghuteuna jame te nomhini king igne te fate ghau iara na, iagho theome tangomana te mei togho ghau iara na.”

Fapea Samuel 19:28

Tutuani, iagho nabamu te kafe aknu falehe ghami ghehati teke vikegna mae kuꞌegu iara king Sol. Nu iagho kokhoni ghau iara ne snakre ghau iara te mala mei ima koba ka sugamu iagho na. Iara theo kaisei nogu nolaghi te mala toreni kaisei glepo ka iagho na.”