Fapea Samuel 14:14 - Buka Blahi Ka Cheke Holo

¹⁴ Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Fapea Samuel 14:14 ပူးပေါင်းရင်းမြစ်များ

Thoutonu Eigna Mae Job 30:23

“Tutuani, iara laseni iagho ginauna snakre ghau iara ka glehe, eghuteuna kuru tei ghau ke lamna beku, ka namono teke vavahi maladi iheire te karha teu igre, nu mae igre ginauna na lehe hui.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Naba 35:28

Igne mala eghu ngala naugna mae ihei te falehe naikno na, mana mala au ngala ka namono mala poru na tei ghilei lehe mae pris biꞌo na. Ke leghugna narane tuana, mana tangomana te ke pulo ka namono gna na.

Thoutonu Eigna Mae Job 34:15

tahati te gnafa ka nauthoglu igne ginauna lehe, eghuteuna tahati ginauna nake figri ka glose.”

Naba 35:25

Eghuteuna jame te laseni mare te fiti lehe mana ka hoholo na, ghotilo ginauna lhotini kheragna mae te lehe igne mala thosei ke edi keha glepo ka mae te aknu poru na. Ghotilo ginau ke kuru tei ka kaisei namono mala poru mana. Mana mala au jare ghilei thokeni narane mala lehegna mae pris biꞌo na.

Naba 35:15

Namono mala poru igre nomi ghotilo, nei maladi langau mae phosa te au balumi ghotilo are, mala tangomana rikha tei mana ka namono tuare mala theome tangomana mare te faleheni mana na.

Eklesiasti 9:5

Uve, ihei te karha teuna laseni nate lehe ginauna. Nu iheire tela lehehi ra theome laseni kaisei glepo. Mare ginauna theome hata kaisei glepo te keli, eghuteuna naiknore ghatho ihodihi mare.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Thoutonu Eigna Mae Job 14:14

Ba, jame te lehe naikno na, mana ginauna tangomana na teke karha fapulo na? Jame te eghu na, iara ginauna ofou ghilei thokeni narane ari te gnafadi nogu puhi biꞌo iara re.

Letas Teke Riso Tei Mae Pol Ka Khiloau Rom 2:11

God tangomana te eni igne ka naiknore, naugna naikno te gnafare kaisei nanaba ngala ka God.

Matiu 22:16

Mare kurudi keha nodi mae fanomho thedire, nei keha mae ka tothoghei te kiloi Herodias. Aonu mae igre mei ne cheke eghu ka mana, “Mae velepuhi, ghehati lase nigho iagho kaisei mae doglo fara. Ghehati lase nigho iagho kaisei mae te farirhiu unha te tutuani eigna puhigna God. Iagho theome mhaghudi unha te cheke eimu iagho naiknore. Naikno te kmanare kaisei nanaba ngala ka iagho.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Nodi Khoje Hatimare Mae Jiu 90:3

Kate lehe na iagho nake hata fapulo ghami ka glose mala ke vuhai nakrofu. Uve, iagho nake atha fapulo ghami ghehati ka glose teke vuavuha ghami iagho na.

Nodi Khoje Hatimare Mae Jiu 79:3

Mare falelehe nou naikno iagho re, nei dadaradire thofa tongana ka namono Jerusalem. Eghuteuna theo kaisei naikno te au teu te mala giugilu dire eghu.

Nodi Khoje Hatimare Mae Jiu 58:7

Lisa laodi sagho mala rughui mare jateula khoꞌu te thofa ke kligna nusu ra eghu. Tapla sorudi sagho mala brango mare jateula buburu eghu.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Fapea Samuel 11:25

Aonu mae Devet nomhini igne ne cheke eghu ka mana, “Iagho ke figri ka mae Joab mala tusu lao ka mana cheke igne mala tako hagheni nagnafagna mana na, ‘Joab, iagho thosei diꞌanagnafa eigna igne, naugna tahati theome laseni ihei nate lehe ka magra na. Iagho magra hetau ghilei hata namono biꞌo tuana.’ ”

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Levitikas 26:40

“Nu ginauna tharaknami ghotilo mala cheke thakledi nakhibodi re, nei cheke thakledi nakhibodi kuꞌedire. Eghuteuna mare ginauna mala cheke thakledi kuꞌedi mare teke figri tagru ghau iara ra. Mare ginauna mala cheke thakledi puhidi kuꞌedi ra teke figri tagrudi iara teke ghilei kuru teidi iara ka nodi kantri nodi naoka mare re. Eghuteuna jame iheire te patu gama igre faparadi thedi, mare laseni papara igne thoke mei ka nakhibodi thedi,

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Eksodas 21:13

Nu jame teke theome ghathoni mala faleheni keha mae igne teku mana teke lehe kolho na, mana tangomana te rikha te tei poru ka kaisei vido aheva te vahini Lord te mala au tagna na.

Fapea Samuel 14:15

“King, naiknore magnahaghei te goigoni ghau iara, eghume iara mhaghu nogu ne mei ka iagho. Te ghathoni iara na, jame te tore nigho iara na, iagho ginauna hironi kaisei nabrou te mala togho ghau iara na.

Ululahu Kings 11:39

Naugna nakhibo te edi King Solomon igre, iara ginauna paradi vikegna King Devet igre, nu papara igne ginauna na theome eghu fabrahu.’ ”

Nodi Khoje Hatimare Mae Jiu 22:15

Foflogu na la mojani fara la vuhai nakrofu, eghuteuna glapigu na la lutihi ka doadohagu na. Iagho la lisa lao ghauhi iara ka glehe mala vuhai nakrofu kolho.

Nodi Khoje Hatimare Mae Jiu 77:8

Ba? Nogna namha biꞌo mana ka ghehati ia la theo hila sia? Ba? Nogna nhaꞌa cheke mana ka ghehati ia la theo hila sia?

Lamentations 3:31

Lord theome tangomana te thodo ghita fabrahu na.

Profet Esikiel 18:23

Ba, iara Lord God kelitagu te filodi naikno te diꞌa gre te lehe na? Theo! Nu iara kelitagu te filodi teke figri leghu mare ka nakhibodi fateote'o mala ke karha.