Fapea Samuel 13:37 - Buka Blahi Ka Cheke Holo

³⁷ Mae Absalom rikha ne tei au balugna king Talmae, thugna mae Amihud, mae king gna Gesua. Nu king Devet ne tanhi fabrahu, eigna mae Amnon.

Fapea Samuel 13:37 ပူးပေါင်းရင်းမြစ်များ

Fapea Samuel 3:3

Fapea na mae Kiliab, mana neke karha ka Abigel glehe kokoi mae Nabal ka namono Kamel. Fatilo na mae Absalom, mana neke karha ka Maka, thugna gaꞌase king Talmae, ka namono Gesu.

Ululahu Kronikols 3:2

Fatilo na, mae Absalom karha ka Maka thugna gaꞌase mae Talmae mae king gna Gesu. Fafati na mae Adonaeja thugna Hagit.

Fapea Samuel 14:32

Mae Absalom ne cheke eghu ka mana, “Iara phei fata faꞌari cheke ka iagho, nu iagho tirou mei filo ghau iara. Iara magnahaghei nigho iagho te tei cheke ka king nogu cheke iara igre, ‘Naugna unha sagho te hata fajifla ghau iara Gesu teke pulo mei iara agne gnea? Jame te keli na iara au teku kolho jare.’ Iara magnahaghei nigho iagho te togho ghau iara mala tei filoni mana. Jame te tapla jafra iara ka nakhibo na, mana tangomana te falehe ghau iara.”

Fapea Samuel 14:23

Aonu mae Joab kegra haghe ne tei Gesu neke hata fapuloni mae Absalom Jerusalem.

Fapea Samuel 13:34

Katha vido ke leghugna igne, mae Absalom ne rikha. Aonu kaisei mae te mala reireghi namono na ne filodi kmana mae te mei ka nabrou te funu Horonaem igne. Aonu mana tei ne filoni king ne toutonu ka mana eidi mae igre.

Fapea Samuel 13:36

Kate cheke te gnafa mana igne, thugna king igre posa mei ne tanhi. Eghuteuna king baludi nogna mae biꞌore jaola ne kafe tanhi fabiꞌo.

Fapea Samuel 14:13

Aonu naikno biꞌo igne ne cheke eghu, “Naugna unha sagho te eni nafnata puhi te diꞌa igne ka tathadi nogna naikno God igrea? Iagho khi fajiflani kaisei thumu, eghuteuna iagho theome snakreni mana teke pulo mei agne na! Eghume, ka nou cheke iagho te edi ka iara igre, iagho khogla fate nigho themu kolho.”

Fapea Samuel 15:8

Kani au teku iara Gesu, jare Aram ia, iara neke nhaꞌa cheke mala fafara ka Lord Hebron. Eghu jame teke hata fapulo ghau mana Jerusalem na.”