Fapea Samuel 13:3 - Buka Blahi Ka Cheke Holo

³ Nu mae Amnon au kaisei mae kheragna fofodu, nanghagna na, mae Jonadab. Mae igne thugna mae Simea thabusigna mae Devet.

Fapea Samuel 13:3 ပူးပေါင်းရင်းမြစ်များ

Ululahu Samuel 16:9

Aonu mae Jesi ne atha meini mae Sama. Nu mae profet ne cheke eghu, “Theo, Lord na jaola theome vahini mae igne.”

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Jemes 3:15

Goghotu nei fahaehaghe teu igre theome gaoghatho mei funudi ka God. Theo! Nafnata gaoghatho te diꞌa tuare nogna naikno kolho, mei funudi ka mae Satan.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Proveb 19:6

Kmana mae lase cheke famaemahe ka mae funei. Mae te kmanare magnahaghei fofodu ka mae ihei te tufa namha na.

Nogna Buka Esta 6:13

Aonu mana ne toutonu ka Seres baludi kheragna re eidi gobigna lepo te edi ka narane igne. Aonu khetogna nei kheragna teu mana igre ne cheke eghu ka mana, “Gognarona iagho theo kaisei nou nolaghi ka mae Modikae. Mana ginauna ulu nigho iagho, naugna mae igne kaisei mae Jiu.”

Nogna Buka Esta 5:14

Aonu Seres baludi kheragna mana igre ne kafe cheke eghu, “Iagho na chekedi keha mae mala fakegra haghe kaisei gaju, nabagna varadaki glima mita haghegna na. Eghuteuna iagho ginauna tei hamerane nathuꞌu mala toreni king mala haru graragna mae Modikae ana mala fagefe hagheni mana ka gaju tuana. Aonu ke leghugna igne, iagho ginauna gleale'a kate tei ka gaghamu na.” Mae Haman nomhini igne ne thofno keli tagna fara. Aonu mae Haman ne chekedi nogna mae glokure ne tei jokra haghe kaisei gaju brahu mala haru graragna mae Modikae na mala fagefe haghe ka gaju tuana mala lehe mana.

Nogna Buka Esta 5:10

Diꞌatagna mana igne thofno brana fara ka thiꞌagna na. Nu mana ne loku famaku gaoghatho igne ne theome eni kaisei glepo. Mana tei posa ka nogna suga na ne eha meidi mae kheragnare, aonu mana ne chekeni Seres khetogna na mala mei gnokro baludi.

Fapea Samuel 14:2

Aonu mana ne fatei cheke ka namono Tekoa mala hata mei kaisei naikno biꞌo. Naikno biꞌo igne fnakno fara eigna naꞌa autagna keha famane gaoghatho te keli. Kate posa mei naikno biꞌo igne, mae Joab ne cheke eghu ka naꞌa, “Iara magnahaghei nigho iagho te jateula te diꞌanagnafa nei tanhi teu iagho ka kaisei naikno te lehe ia eghu. Iagho ginauna pipichi pohe mala giugilu ra, eghuteuna iagho thosei ghiha oel ka khaklamu nei thinimu teu are. Iagho mala jateula gaꞌase te tanhi kmana narane eigna kaisei naikno te lehe ia eghu.

Fapea Samuel 13:32

Nu mae Jonadab, thugna mae Simea, thabusigna mae king igne ne cheke eghu, “King, iagho thosei fatutuani ni cheke igne. Kaisei mae Amnon kolho te lehe na. Mae Absalom kaisei gaoghatho kolho ne faleheni mae Amnon, naugna mana neke eni puhi te diꞌa na ka Tama, gregagna na.

Jajis 14:20

Nu kmagna khetogna Samson na hata khetogna Samson na ne tusu lao ka kaisei maegna Filistia teke gnokro balugna mana ka gaghamu tholaghi igne.

Jenesis 38:20

Mae Juda ne tusu lao kaisei sua nanigot majaghani ka mae Hira ne kuru teini mana mala ke hata fapulo glepo teke tusu lao ka gaꞌase ra. Nu mae Hira ne theome filoni gaꞌase igne.

Jenesis 38:1

Ka vido igne mae Juda ne jifla kokodi mae thabusignare ne tei au balugna mae Hira ka namono Adulam.

Jenesis 3:1

Lord God neke vuavuha gobigna lepo te gnafa te tautagu ka namhata na igre, eghuteuna jare na theo kaisei glepo ka teke vuavuha mana igre te lalase fara te uluni nogna glalase mogo na, ka puhi te cheke famaemahe na. Kaisei narane mogo na ne mei ghusna eghu ka gaꞌase na, “Ba, God gne neke lhoti ghami ghopa tutuani si te mala thosei ghamu ghopa kaisei sisi gna gaju te au ka nagare ignea?”

Ululahu Samuel 16:11

Aonu mae Samuel ne ghusna eghu ka mae Jesi, “Mae igre kolho thumu iaghore?” Mae Jesi ne cheke eghu, “Uve, nu mae leghu lahu ka mae igre na, mana reireghi sipu.” Aonu mae Samuel ne cheke eghu, “Iagho kuruni kaisei mae mala tei atha meini mana agne. Tahati na theome fufunu fafara na ghilei mei posa mana.”

Fapea Samuel 13:2

Nu theo kaisei mae te thuru teu balugna Tama. Aonu mae Amnon ghathoni fara Tama ne ghilei fogra. Naugna mana theo kaisei vido narane te snagla te mala lao namo te haboni Tama na.

Fapea Samuel 13:4

Aonu mae Jonadab ne cheke eghu ka mana, “Thabusigna! Iagho thugna king. Naugna unha sagho te au diꞌanagnafa te theome gleale'a leuleghu narane gnea?” Mae Amnon ne cheke eghu ka mana, “Iara magnahagheni fara Tama greghagna mae Absalom igne.”

Fapea Samuel 21:21

Kate eha mana te cheke fadiꞌani armi gna Israel na, mae Jonatan, thugna mae Simei thabusigna mae Devet igne tei ne faleheni mae nheta igne.

Ululahu Kronikols 2:13

Mae Jesi neke au fitu thugna nalhaꞌu. Mae Eliab, mae Abinadab, mae Simea, keha nanghagna na, Sama.

Ululahu Kronikols 27:32

Mae Jonatan nebugna King Devet, mana mae mala tusu lao gaoghatho te keli ka king, naugna mana kaisei mae glalase, nei mae mala rioriso. Mae Jonatan ghe mae Jehiel, thugna mae Hakmoni, te mala fasikoludi thugna king.