Fapea Samuel 13:28 - Buka Blahi Ka Cheke Holo

²⁸ Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Fapea Samuel 13:28 ပူးပေါင်းရင်းမြစ်များ

Jajis 19:6

Aonu phiamare gnokro fodu ne ghamu nei koꞌu neu. Nu kate ghamu te gnafa na, kmagna gaꞌase gne ne cheke eghu ka mana, “Te keli na iagho na aughu bongi na mala gleꞌa noughu themu.”

Jajis 19:22

Kate ghamu glealeꞌa teu mare na, kaisei tothoghei mae te diꞌa ka namono igne falithuini suga na tutini grengatha na ne eha eghu, “Iagho hata mei mae te mei ka sugamu iagho agne ia, mala lalahu nomi ka mana.”

Jajis 19:9

Kate tarabana mala tei teu retilo na, kmagna gaꞌase igne neke cheke eghu, “Gognarogne la rafihi. Te keli na aughu bongi na mala gleꞌa noughu themu. Hamerane boibongi nathuꞌu ame tei nga ghotilo eghu.”

Thoutonu Eigna Rut 3:7

Ke leghugna ima nei koꞌu teu te boho na, mae Boas ne keli tagna ne tei ne thuru soru rhegnai bukrei bali na. Rut thoghei ne tei ne pagli haghe thotoku na ne tei thuru rhedi ghahegna mae Boas re.

Mae Khuru 5:29

Nu mae Pita nei keha mae khurure ne cheke eghu ka mare, “Ghehati magnahaghei fara te leghuni chekegna God na, theome mala leghuni chekegna naikno na.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Profet Nahum 1:10

Mae te eni puhi te diꞌa ranghini Lord gne, jateula mae te koꞌu te salaꞌui te theome tangomana te kegra haghe ra eghu, ba jateula mae te khale ka gnarho te fachuchuru ra eghu. Lord ginauna goigonini mae igne, jateula namhata te nhako ka khaꞌaghira eghu.

Profet Daniel 5:30

Nu ka bongi igne la, maedi Media mei ne faleheni mae Belsasa, king gna Babilonia.

Eklesiasti 10:19

Gano te keli na mala maꞌe naikno na, eghuteuna waen na mala fagleꞌa naikno, eghuteuna sileni na mala edi thua nafnata gloku.

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Nogna Buka Esta 1:10

Ka fafitu narane na, king Sekses ne thofno keli tagna fara, naugna mana ne koꞌu waen ne salaꞌui. Aonu mana ne kilo meidi fitu nogna mae gloku igre: mae Mehuman, mae Bista, mae Habona, mae Bikta, mae Abakta, mae Seta nei mae Kakas.

Ululahu Kings 20:16

King Ben-Hadad baludi tolufulu phei king igre, mare koꞌu waen neu ka nodi suga tapuale re. Farihotei aublatha, kate koꞌu te funu thaviru tafri teu mare na, King Ehab baludi hatimare mae soldia te mei balugna mana igre, mare tei ne magra ka nogna armi King Ben-Hadad.

Fapea Samuel 11:15

Igre cheke teke rioriso mae Devet ka letas igne na, “Kate tei ghotilo ka magra na, iagho lisei faꞌuluni mae Uraea ka vido aheva te brana fara magra na. Eghuteuna ghotilo ke suaraghi fapulo katha ke leghugna mana, lisa lao mae igne ka mae naokare mala aknu faleheni mana.”

Fapea Samuel 11:13

Ka narane igne, mae Devet ne kiloni mana mala tei ima rafi balugna. Mae Devet fakoꞌuni mae Uraea. Mae Uraea koꞌu ne salaꞌui fara. Nu ka bongi igne mae Uraea ne theome tei ka nogna suga na, nu mana tei ne thuru baludi mae mala reireghi nogna suga biꞌo mae king.

Ululahu Samuel 28:13

Aonu mana ne cheke eghu, “Thosei mhaghu! Unha te filoni iagho na?” Naꞌa ne cheke eghu, “Iara ne filoni kaisei naitu ne thagra haghe ka glose na.”

Ululahu Samuel 28:10

Mae Sol ne cheke eghu ka naꞌa, “Thosei mhaghu! Iara nhaꞌa cheke ka nanghagna Lord mae ihei te karha te tifa, theome tangomana kaisei naikno nate para nigho iagho eigna glepo igne.”

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Jenesis 9:21

Kaisei narane mae Noa ne koꞌu waen ne dranga fara, aonu mana ne thuru soesole neu ka nogna suga tapuale na.

Fapea Samuel 12:10

Iagho tirou ghau iara neke blau khetogna mae Uraea na. Eghume, keha naikno nate karha mei ka vikemu iagho re ginauna lehe ka magra.’

Fapea Samuel 13:27

Nu mae Absalom ne toreni fara king ne ghilei snakreni mae Amnon baludi keha thugna King Devet re ne tei ka mae Absalom.

Eksodas 1:18

Aonu, kaisei narane, king ne kilodi repa ne ghusna eghu ka repa, “Naugna unha si ghopa te theome leghuni nogu cheke iara na te snakredi sua nalha'u gre te karha teu kolho grea?”

Ululahu Samuel 18:22

Mae Sol ne cheke ka nogna mae glokure mala tei cheke famaemahe eghu ka mae Devet, “King thofno keli tagna fara ka iagho, eghuteuna nogna mae gloku te gnafa manare jaola magnahaghei nigho iagho. Thofno keli fara te tolaghi iagho ka thugna mana na.”

Fapea Samuel 14:6

Tifa na, iara neke au phei thugu nalhaꞌu. Kaisei narane, phei thugu iara igre neke tei loku ka nagare. Jare repa ne fapholai fari thedi eigna kaisei glepo ne ghilei magra. Eghuteuna naugna te theo kaisei naikno jare te mala toghodire ne lehe keha na.