Fapea Samuel 13:25 - Buka Blahi Ka Cheke Holo

²⁵ Aonu king ne cheke eghu, “Theo thuguo. Jame te kafe ari ghehati te gnafa na, iagho ginauna gloku biꞌo fara.” Nu mae Absalom ne thono heta ghegna fara. Eghuteuna king jaola ne heta ghegna fara ne tirogna tei ka gaghamu igne. Aonu king ne cheke eghu, “Absalom, iagho tangomana te tei gognarona.”

Fapea Samuel 13:25 ပူးပေါင်းရင်းမြစ်များ

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Luku 24:29

Phiamare ne toreni mana, ne cheke eghu, “Iagho au balumi ghepa, naugna narane gne la rafihi, eghuteuna la namo romnohi.” Aonu mana ruma ka suga na ne au baludi phiamare.

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Fapea Samuel 14:22

Mae Joab nomhini igne ne pogho soru pari ne cheke fakelini mae king. Mana ne cheke eghu, “Nogu funei, God fablahi nigho. Gognarona iara lase nigho iagho mae king, iagho keli tamu ka iara, naugna iagho ne eni unha te toreni iara na.”

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Fapea Samuel 13:24

Aonu mana tei ne filoni king Devet ne cheke eghu, “Mama, nogu mae gloku iara gre gognarona loku ka kuchidi nogu sipu iara ra. Kate gnafa mare gloku na, tahati na ghamu balu glealeꞌa. Iara magnahaghei nigho iagho te mei baludi goro mae thabusigu iara ra. Eghuteuna nou tothoghei mae nafnakno iagho ra eghu mala kafe mei ka nogu gaghamu iara igne.”

Fapea Samuel 13:26

Nu mae Absalom ne cheke eghu, “Keliu kolhu, nu iara magnahaghe nigho iagho te snakreni mae thabusigu iara mae Amnon mala mei.” Eghuteuna king ne cheke eghu, “Naugna unha sagho te magnahaghei mei mae Amnon gnea?”