Fapea Samuel 13:21 - Buka Blahi Ka Cheke Holo

²¹ Mae Devet nomhini puhi te eni mae Amnon igne ne thofno diꞌatagna fara.

Fapea Samuel 13:21 ပူးပေါင်းရင်းမြစ်များ

Jenesis 34:7

Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Nodi Khoje Hatimare Mae Jiu 101:8

Lord God, leuleghu narane na, iara na goigonidi fara naikno te diꞌa te au ka noda namono ghehati igne. Iara ginauna khi teidi iheire te edi puhi te diꞌa fara ka noda namono biꞌo tahati igne.

Fapea Samuel 12:10

Iagho tirou ghau iara neke blau khetogna mae Uraea na. Eghume, keha naikno nate karha mei ka vikemu iagho re ginauna lehe ka magra.’

Fapea Samuel 12:5

Kate nomhini thoutonu igne, mae Devet ne thono diꞌatagna fara ka mae te dedei igne. Aonu mana ne cheke eghu ka mae Natan, “Ka nanghagna Lord, iara cheke kate tutuani fara ka iagho, mae dedei te eni igne nabagna te lehe.

Ululahu Samuel 2:29

Naugna unha si ghotilo te theome ghatho tahudi fafara te edi naiknore ka iara igrea? Naugna unha sagho te ghatho tahudi phei mae thumu igre ke tulaogu iarai gnea? Tuana unha te eni iagho kate snakredi phei mae thumu gre tela blokha fara are, naugna phiamare ne hata fajifla vido nafnahi te keli re ka nodi fafara naiknore.

Fapea Samuel 13:20

Kate filoni mae Absalom gregagna te tanhi te tei na, mana ne ghusna eghu ka naꞌa, “Ne faꞌunha nigho mae thabusimu Amnon? Mana ne huhuru nigho ne thuru balugna mana? Mae tuana mae thabusida tapa, eghume iagho au kmu.” Aonu Tama tei ne au ka sugagna mae Absalom, thabusigna na. Nu naꞌa ne thofno diꞌanagnafa gna fara ne au sopa thegna ka vido igne.

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.