Fapea Samuel 13:19 - Buka Blahi Ka Cheke Holo

¹⁹ Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Fapea Samuel 13:19 ပူးပေါင်းရင်းမြစ်များ

Profet Jeremaea 2:37

Eghuteuna ghotilo ginauna mamaja nomi nei diꞌanagnafami eghu kate jifla kokoni ghotilo vido igne, naugna iara theome magnahaghei ghami ghotilo. Eghuteuna kantri Ijep te rouronuni ghotilo igne ginauna theome tangomana te togho ghami ghotilo na.”

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Fapea Samuel 1:11

Mae Devet nomhini igne ne diꞌanagnafa gna fara, ne rerheku nogna pohe na. Mae te gnafa te au balugna mana igre jaola ne eni igne.

Fapea Samuel 1:2

Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Thoutonu Eigna Mae Job 2:12

Kate au teu delei te filo teini mae Job na, mare ne theome filo glani mana. Aonu mare ne funu tanhi fabiꞌo, mare rerheku nodi pohere, eghuteuna ghiha nakrofu ka phaꞌudire naugna mare ne thofno diꞌa nagnafadi fara ka mana.

Nogna Buka Esta 4:1

Kate nomhini mae Modikae cheke igne, mana ne thofno mhaghu nogna fara. Mana ne thofno diꞌa nagnafagna fara ne rerheku nogna pohe na. Aonu mana kegra haghe ne pipichi ka pohe thona, nei ghiha nakrofu ka phaꞌugna na mala falalaseni nogna diꞌanagnafa. Mana nolo ne tei ke lamnagna namono biꞌo na balu tanhi fabiꞌo.

Ululahu Samuel 4:12

Kaisei mae ka tharaknagna mae Benjamin teke rikha ka magra na, mana ne tei posa Saelo ka narane tuanala. Mana ne rerheku nogna pohe na ne ghiha glose ka phaꞌugna na fagaglana te diꞌanagnafa na.

Jenesis 37:29

Ke leghugna igne mae Ruben teke theome au jare ka vido tuana neke tei neke efra ka khora na. Kate dofini mae Josep jare na, mana ne diꞌanagnafagna fara ne rerheku nogna pohe na.

Fapea Samuel 13:20

Kate filoni mae Absalom gregagna te tanhi te tei na, mana ne ghusna eghu ka naꞌa, “Ne faꞌunha nigho mae thabusimu Amnon? Mana ne huhuru nigho ne thuru balugna mana? Mae tuana mae thabusida tapa, eghume iagho au kmu.” Aonu Tama tei ne au ka sugagna mae Absalom, thabusigna na. Nu naꞌa ne thofno diꞌanagnafa gna fara ne au sopa thegna ka vido igne.