Fapea Samuel 13:12 - Buka Blahi Ka Cheke Holo

¹² Nu Tama tirogna ne cheke eghu, “Theo, iagho thosei huhuru ghau iara te mala eni puhi te diꞌa na! Tahati naiknoda Israel aro theome tangomana te eni nafnata puhi igne!

Fapea Samuel 13:12 ပူးပေါင်းရင်းမြစ်များ

Jajis 20:6

Ke leghu na, iara hata thinigna na neke vaevahe ka nabotho phei vido, eghuteuna iara neke tufa neke tei ka nabotho phei vikeda tahati ra. Iara eni igne, naugna maedi Gibea igre eni glepo te thono diꞌa fara na ka tahati Israel.

Jajis 19:23

Mae khuekuꞌe igne jifla ne cheke eghu, “Kheraguro! Thosei eni nafnata puhi te diꞌa tuana ka mae ihei te mei ka sugagu iara na, puhi te eni ghotilo igne thono diꞌa fara!

Levitikas 20:17

“Jame kaisei mae tolaghi ka thofno greghagna na, neubane thugna gaꞌase kmagna mana, ba thugna gaꞌase idogna mana, repa mala mamaja ka glepo igne. Eghuteuna mare mala au fadelei ka kheradi repa re. Naugna mana famamajani greghagna na, mae igne nabagna te mala papara eigna puhi igne.

Jenesis 34:7

Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Levitikas 18:11

“Thosei thuru balugna thugna gaꞌase ihei teke tolaghi ka kmamu na, naugna gaꞌase igne jaola greghamu iagho.

Levitikas 18:9

“Thosei thuru balugna thofno greghamu teke karha mei ka kaisei kmami nei idomi, ba balugna greghamu teke kaisei kmami nu sopai idomi, ba kaisei idomi nu sopai kmami.

Proveb 7:7

Iara ne filodi kmana mae majaghani ne fiti nolo tafri kolho. Aonu iara ne filoni kaisei mae ka mae igre, mana theome au tagna glalase te keli.

Diutronomi 22:29

uve, te eghu na, mae tuana tusu lao glima fulu vido silva ka kmagna gaꞌase igne. Eghuteuna mana tolaghi ka gaꞌase igne eghu, naugna mae tuana neke goigonini naꞌa. Eghuteuna mana theome tangomana teke kokoni gaꞌase igne.

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Diutronomi 22:21

Jame te tutuani na, hatimare mae lida mala hata tei gaꞌase igne ka grengatha gna nogna suga mae kmagna na. Aonu mae nalhaꞌugna namono na fadini naꞌa ka thina ghilei lehe naꞌa. Gaꞌase igne neke jafra kani au teku ka suga gna kmagna na eghuteuna naꞌa ne famamajadi naiknodi Israel. Eghume ka puhi igne, ghotilo koko puhi te diꞌa igne.”

Profet Jeremaea 29:23

Iara ginauna goigonidi phei mae igre, naugna phei mae igre ne eni puhi te thono diꞌa fara na fari hoteimi ghotilo maemi Israel. Phei mae igre neke eni puhi te diꞌa na ka khetodi mae kheradi thedi re, eghuteuna phei mae igre jaola toutonu chaghi ka nanghagu iara. Iara neke theome tusu lao cheke te toutonu ka ghotilo phei mae igre. Iara Lord, iara lasedi puhidi phei mae igre, eghuteuna iara thegu filonihi igne.” Igne cheke gna Lord.