Fapea Samuel 13:1 - Buka Blahi Ka Cheke Holo

¹ Mae Absalom kaisei thugna mae King Devet, mana au kaisei famane gregagna te theome tolaghi teu, nanghagna na Tama. Eghuteuna keha thugna mana na nanghagna na mae Amnon, mae Amnon gne thono magnahagheni fara Tama.

Fapea Samuel 13:1 ပူးပေါင်းရင်းမြစ်များ

Ululahu Kronikols 3:9

Igre neke thugna mae Devet, nu kehare neke karha ka fapea khetogna mana re. Eghuteuna Tama greghadi na.

Ululahu Kronikols 3:2

Fatilo na, mae Absalom karha ka Maka thugna gaꞌase mae Talmae mae king gna Gesu. Fafati na mae Adonaeja thugna Hagit.

Fapea Samuel 14:27

Mae Absalom au thilo thugna nalhaꞌu nei kaisei thugna gaꞌase. Nanghagna gaꞌase igne, Tama. Naꞌa kaisei famane gaꞌase fara.

Fapea Samuel 13:15

Kani theome eni teku puhi te diꞌa na, mana magnahagheni fara nei namhani fara eghu Tama. Nu kate eni te gnafa puhi te diꞌa na, mana ne thono tirognani fara Tama. Uve, mae Amnon thono tirognani fara Tama ka gaoghathogna na, ne cheke eghu ka naꞌa, “Iagho kegra haghe tei nou!”

Proveb 31:30

Keha gaꞌase re famane, nu chaichaghi kolho eghu. Keha gaꞌase re famane filodi re, nu katha vido kmoꞌei kolho eghuteuna hui. Nu gaꞌase te ghatho tahuni Lord na, nabagna te mala cheke fakelini na.

Proveb 6:25

Neuba gaꞌase igne ne famane fara thinigna na, iagho thosei lehe nou ka naꞌa. Neubane kaflo gehe naꞌa ka iagho, iagho thosei snakreni naꞌa mala ulu nigho.

Ululahu Kings 11:1

King Solomon magnahagheidi fara kmana gaꞌasedi keha kantri are. Ulu lahu na mana tolaghi ka thugna gaꞌase king gna Ijep, eghuteuna mana tolaghi ka keha gaꞌase ka vikegna mae Het, nei gaꞌase di Moab, Amon, Idom, nei Saedon.

Fapea Samuel 11:2

Kaisei narane, fei grafi, mae Devet dofra haghe ne tei faghaghafa ke tagru suga. Eghuteuna, kate au teu mana ke tagru suga na, mana ne filo teini kaisei gaꞌase apu neu. Gaꞌase igne thono famane fara.

Jenesis 34:3

Ke leghugna te eni puhi te diꞌa na, mae Sekem ne cheke famaemahe ka Daina.

Jenesis 29:20

Aonu mae Jekop ne loku ranghini mae Laban fitu finogha mala gna te tolaghi ka Resel na. Ka gaoghathogna mae Jekop na fitu finogha igre jateula te phei narane ra eghu kolho ka mana, naugna mana ne magnahagheni fara Resel.

Jenesis 29:18

Mae Jekop ne magnahagheni fara Resel, aonu mana ne cheke eghu ka mae Laban, “Iara ginauna na loku fitu finogha ranghi nigho iagho mala gna thumu gaꞌase majaghani iagho Resel gne.”

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Fapea Samuel 13:2

Nu theo kaisei mae te thuru teu balugna Tama. Aonu mae Amnon ghathoni fara Tama ne ghilei fogra. Naugna mana theo kaisei vido narane te snagla te mala lao namo te haboni Tama na.