Fapea Samuel 12:9 - Buka Blahi Ka Cheke Holo

⁹ Naugna unha sagho te tirouni fara chekegna Lord gnea? Naugna unha sagho te eni puhi te diꞌa ignea? Eigna iagho neke snakreni mae Uraea ka mae soldia di Amon igre neke faleheni mana neke blau khetogna mana na!

Fapea Samuel 12:9 ပူးပေါင်းရင်းမြစ်များ

Ululahu Samuel 15:19

Nu iagho neke theome leghudi nogna cheke mana ra! Ba, mala unha site chari te tei hata iagho glepo te keli area? Tuare glepo te thono diꞌa fara te edi iagho ka Lord re!”

Profet Emos 2:4

Lord ne cheke eghu, “Kmana fata naiknogna kantri Juda tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare tirodi fanomho ka nogu cheke iara na, eghuteuna mare jaola huhughuni nogu vetula iara na. Naikno igre thofno fagoigoli fara la theome leghu ghau iara. Mare leghuni mumuju god jateula teke edi mae kuꞌedi tifa ra eghu. Eghume, te chekeni iara na, iara ginauna roꞌeni Juda.

Profet Jeremaea 18:10

Nu mare tirodi leghu ghau iara ne edi fabrahu glepo te theome keli ka gaoghathogu iara na. Eghuteuna iara ginauna theome edi glepo te keli teke kulu ghathodi iara mala edi ranghidi mare teku ra.

Nodi Khoje Hatimare Mae Jiu 90:8

Iagho filodi kolho nakhibomi ghehati re. Uve, neubane fariuriu pophoru ghehati nakhibomire, iagho filodi kolho.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Profet Isaia 5:24

Naugna igne, Lord ginauna thono para ghami ghotilo, jateula khaꞌaghi te ghamu buburu te brango ra eghu. Uve, Lord ginauna goigoni ghami ghotilo jateula gaju te boto glathigna na, eghuteuna chechenge gna na brango eghuteuna pala me tei nuri delei teura eghu. Mana eni igne, naugna ghotilo ne tiromi fanomho ka nogna farirhiu noda God tahati maeda Israel mae ihei te au nolaghi fateote'o igne.

Fapea Samuel 11:4

Ka narane igne, nhigra khafa, aonu naꞌa ne apu mala klino ke ulugna Lord. Naꞌa eni igne leghuni nogna vetula mae Moses. Mae Devet kurudi nogna mae glokure ne tei hatani Batseba. Aonu mare hata ne mei ka mae Devet gaꞌase igne, mae Devet ne thuru balugna Batseba. Ke leghugna te thuru balugna mae Devet na, Batseba neke pulo ka nogna suga na.

Nodi Khoje Hatimare Mae Jiu 51:4

Nakhibo te eidi iara gre thofno tapla fapari nigho iagho kolho. Iara edi puhi te diꞌa igre ka tathamu iagho na. Eghume iagho nabamu fara te fate ghau iara na, iagho nabamu fara te chekeni te la jafrahi iara teuna.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Fapea Samuel 12:10

Iagho tirou ghau iara neke blau khetogna mae Uraea na. Eghume, keha naikno nate karha mei ka vikemu iagho re ginauna lehe ka magra.’

Ululahu Samuel 15:26

Nu mae Samuel ne cheke eghu, “Iara theome tangomana te tei balumi iagho na. Naugna iagho ne tirouni chekegna Lord na, eghume mana theome magnahaghei nigho iagho te king Israel gognarona.”

Fapea Samuel 16:7

Mae Simei heta ghegna ne cheke fadiꞌani mae Devet, ne cheke eghu, “Tei nou delei! Iagho mae falehe naikno! Iagho mae diꞌa!

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kings 21:19

Iagho tei cheke eghu ka Ehab: ‘Igne unha te chekeni Lord na: Theome keli iagho te faleheni mae Nebot te hata nogna nagare mana na. Naugna te eni iagho igne, khuma ginauna lapi dadaramu iagho re ke kosigna namono biꞌo jateula teke lapi dadaragna mae Nebot ra eghu.’ ”

Nodi Khoje Hatimare Mae Jiu 51:14

God, fakarhi ghau iara, thosei falehe ghau iara eigna unha puhi diꞌa teke eni iara ia. Iara ginauna koje kilo fafnakno nigho eigna te eni iagho puhi te doglo na.

Nodi Khoje Hatimare Mae Jiu 51:16

God, jame te gahu buluka iara ke kligna olta te fafara ari ka iagho na, iagho ginauna theome keli tamuni, naugna iagho theome magnahagheni nafnata fafara igne.

Proveb 14:2

Naikno te leghuni puhi te doglo na, naikno igne ghatho tahuni Lord. Nu ihei te leghuni puhi te chaichaghi na, Lord na theo nafugna kolho ka nagnafagna mana na.