Fapea Samuel 12:7 - Buka Blahi Ka Cheke Holo

⁷ Aonu, mae Natan ne cheke eghu ka mae Devet, “Iagho ngala mae te dedei igne! Eghume, Lord noda God tahati maeda Israel igne ne cheke eghu ka iagho, ‘Iara neke vahi nigho iagho mala king gna Israel, eghuteuna iara neke theome snakreni mae Sol mala falehe nigho iagho.

Fapea Samuel 12:7 ပူးပေါင်းရင်းမြစ်များ

Matiu 14:14

Kate longa mata na, mae Jisas ne filoni kaisei nakhapru biꞌo. Aonu mana kokhoni nognadi fara ne fakelidi naikno te fogra re.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Ululahu Kings 20:42

Eghuteuna profet ne cheke eghu ka mana na, “Naugna iagho ne fakarhini King Ben-Hadad, mae ihei teke chekeni mala lehe teku ia iagho mala lehe tughuni mana, eghuteuna nou naikno iagho are ginauna jaola mala lehe tughudi nogna naikno mana ra.”

Ululahu Kings 18:18

Nu mae Elija ne cheke eghu ka mana, “Theo! Iara theome mae mala ei puhi biꞌo agne Israel. Iagho! Iagho baludi tharaknagna mae kmamu ra! Naugna ghotilo ne tiromi leghuni chekegna Lord na, eghuteuna ghotilo tarai ka mumuju god Baal.

Fapea Samuel 22:49

Iagho neke tusu mei nafnakno biꞌo ka iara ka tathadi nogu naoka gre. Eghuteuna iagho fakarhi ghau iara ka mae te diꞌa puhidi te magnahaghei goigoni ghau iara igre.

Fapea Samuel 7:8

“Iagho tei cheke eghu ka nogu mae gloku iara mae Devet, ‘Igne unha te chekeni Lord mae ihei te au nolaghi fateote'o na: Iara neke hata fajifla nigho iagho ka gloku te mala reireghi sipu igne, eghuteuna iara gognarona vahi nigho iagho mala baubatudi nogu naikno iara Israel.

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Ululahu Samuel 23:7

Keha naikno ne tei cheke ka mae king Sol eigna mae Devet te au teu ka namono Keila. Aonu mana ne cheke eghu, “God lisa meinihi mana ka khamegu iara. Mana tei au ka kaisei namono te bara te ligoho ka thina biꞌo balugna kaisei grengatha te mala bobothoni mana na. Mana au ke lamnagna kaisei phighoro gognaro na!”

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”

Ululahu Samuel 15:17

Mae Samuel ne cheke eghu, “Tifa na, iagho jame neke kaisei fiti mae kolho neku ka gaoghathomu na, nu gognarona iagho nodi mae mala baubatu vikegna Israel. Eigna Lord neke fablahi nigho iagho mala nodi king maedi Israel.

Ululahu Samuel 13:13

Nu mae Samuel ne cheke eghu ka King Sol, “Ne faꞌunha site fagoigoli iagho gnea? Lord na nou God iagho, nu iagho ne theome leghuni nogna cheke mana na neu. Jame leghuni iagho nogna cheke mana na meuna, mana ginauna tangomana te fablahini tharaknamu iagho na mala king fabrahu.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Fapea Samuel 14:13

Aonu naikno biꞌo igne ne cheke eghu, “Naugna unha sagho te eni nafnata puhi te diꞌa igne ka tathadi nogna naikno God igrea? Iagho khi fajiflani kaisei thumu, eghuteuna iagho theome snakreni mana teke pulo mei agne na! Eghume, ka nou cheke iagho te edi ka iara igre, iagho khogla fate nigho themu kolho.”

Ululahu Kings 14:7

Iagho tei cheke ka mae Jeroboam eigna unha te chekeni Lord, nodi God maedi Israel, ‘Iara neke vahi nigho iagho ka naikno igre mala nodi mae mala batudi naiknodi Israel.

Profet Daniel 4:22

King, gaju te filoni iagho igne, themu iagho ngala. Iagho kaisei mae fnakno fara nanghamu na ka tathadi naikno te gnafa igre. Eghuteuna iagho au nou nolaghi biꞌo te mala funei frunidi naikno te au ka vido te gnafa ka nauthoglu igne.

Ululahu Kings 20:40

Nu mae naoka igne ne dofini kate rugusi tafri teu iara ka keha glepore!” Aonu king ne cheke eghu, “Iagho chekenihi te mala para nigho themu na. Eghume, eni sagho eghu.”

Profet Jeremaea 34:6

Aonu mae profet Jeremaea tei Jerusalem ne tusu lao cheke igne ka King Sedekaea.