Fapea Samuel 12:26 - Buka Blahi Ka Cheke Holo

²⁶ Ka narane tuare, Joab nei nogna armi na eghu ne magra heta ka armi gna namono Raba, namono biꞌo lahu ka kantri Amon. Aonu mana ne ulunihi nogna vido keli te mala poru mae king na.

Fapea Samuel 12:26 ပူးပေါင်းရင်းမြစ်များ

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Fapea Samuel 11:25

Aonu mae Devet nomhini igne ne cheke eghu ka mana, “Iagho ke figri ka mae Joab mala tusu lao ka mana cheke igne mala tako hagheni nagnafagna mana na, ‘Joab, iagho thosei diꞌanagnafa eigna igne, naugna tahati theome laseni ihei nate lehe ka magra na. Iagho magra hetau ghilei hata namono biꞌo tuana.’ ”

Fapea Samuel 11:1

Ke leghudi narane te reka nei nakhete bi'o teu igre, mae king igre mare tangomana te tei ka magra na. Aonu mae Devet kuruni mae Joab baludi hatimare mae komanda ka armi gna Israel mala tei magra ka armi gna Amon. Mare ne thofno goigoni ni fara armi gna Amon. Mare tei ne magra ka namono Raba, namono biꞌo lahu ka kantri Amon. Nu mae Devet theome tei ne au neu kolho Jerusalem.

Fapea Samuel 12:25

Aonu Lord ne kuruni mae Natan ne tei ka mae Devet mala kiloni mae sitei igne, Jedidaea, naugna gaoghathogna Jedidaea teu igne, Lord namhani fara mana.

Fapea Samuel 12:27

Aonu mae Joab kurudi keha mae ne tei ka mae Devet, mala cheke eghu ka mana, “Iara gognarona magrau Raba, eghuteuna iara la hatahi vido aheva te mala tei toho khoꞌu mare na.

Fapea Samuel 17:27

Kate posa mae Devet Mahanaem, thilo mae mei ne thafoni mana jare. Mae ulu lahu na mae Sobi, thugna mae Nahas, maegna Raba ka kantri Amon. Fapea na, mae Makia, thugna mae Amiel, maegna ka namono Lo-Deba. Eghuteuna fatilo na mae Basilae maegna ka namono Rogelim ka nohi Gilead.

Profet Esikiel 25:5

Nomi namono biꞌo ghotilo Raba igne ginauna kaisei nodi namono kamel mala ghamu ghedi buburu tagna, eghuteuna namono te gnafa ka kantri Amon igne mala gnafa nodi sipu nei nanigot eghu tagna. Eghuteuna ghotilo ginauna lase ghau iara Lord God.

Nodi Khoje Hatimare Mae Jiu 60:9

God, ihei gne te nabagna te mala hata mei ghami ghehati ka namono biꞌo te au bara te maku igne? Ihei gne te nabagna te mala hata mei ghami ghehati ka namono Idom?