Fapea Samuel 12:25 - Buka Blahi Ka Cheke Holo

²⁵ Aonu Lord ne kuruni mae Natan ne tei ka mae Devet mala kiloni mae sitei igne, Jedidaea, naugna gaoghathogna Jedidaea teu igne, Lord namhani fara mana.

Fapea Samuel 12:25 ပူးပေါင်းရင်းမြစ်များ

Nehemaea 13:26

Eghuteuna iara neke cheke eghu ka mare, “Naugna tifa na nafnata gaꞌasedi delei igre teke batuni Solomon king gna Israel gne ka nakhibo. Mana kaisei mae king te biꞌo lahu ka mae king te gnafa ka keha kantri are, eghuteuna God na namhani fara mana. Eghuteuna God neke vahini mana mala king frunidi vike te gnafa Israel. Nu neuba, mana khoko ka puhi te diꞌa ka gaꞌase bongihehe te tolaghi mana tadire.

Fapea Samuel 7:4

Nu ka bongi igne, Lord ne cheke eghu ka profet:

Ululahu Kings 1:11

Kate nomhini profet Natan eigna igne, mana tei ne cheke eghu ka Batseba idogna mae Solomon, “Adonaeja thugna Hagit igne gognarona kiloni thegna king, iagho nomhinihi thoutonu igne, ba theo? Eghuteuna noda king tahati igne jame jaola theome nomhiniu glepo igne.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Ululahu Kings 1:23

Keha naikno ne cheke ka mae Devet te mei profet Natan igne, eghuteuna mana ne tei ruma ka nogna chogho king na ne mei pogho soru ke ulugna king

Fapea Samuel 12:24

Ke leghugna te lehe mae sitei na, mae Devet ne fakeli nagnafani Batseba khetogna na. Mana ne thuru fodu balugna Batseba, eghuteuna Batseba bukla ne karha kaisei thugna nalhaꞌu. Aonu mae Devet ne kiloni mae sitei igne Solomon. Eghuteuna Lord ne namhani fara mae sitei igne.

Fapea Samuel 12:26

Ka narane tuare, Joab nei nogna armi na eghu ne magra heta ka armi gna namono Raba, namono biꞌo lahu ka kantri Amon. Aonu mana ne ulunihi nogna vido keli te mala poru mae king na.

Ululahu Kronikols 3:5

Eghuteuna igre thugna mae Devet teke karha jare na: mae Simea, mae Sobab, mae Natan, nei mae Solomon. Fati mae igre neke karha ka Batseba thugna gaꞌase mae Amiel.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Ululahu Kings 1:8

Nu pris Sadok, Benaea thugna mae Jehoeada, profet Natan, Simei, Rei nei kaisei mae biꞌo te mala reireghini King Devet igre ne theome phile ka mana.

Ululahu Kings 4:5

Mae Asaraea thugna mae Natan, mana mae biꞌodi hatimare mae funei ka provins. Mae Sabud thugna mae Natan, mana mae pris mala tufa gaoghatho ka king.