Fapea Samuel 12:17 - Buka Blahi Ka Cheke Holo

¹⁷ Goro mae biꞌo te au ka suga mana na, mare mei fariu riu fakegra hagheni mana, nu mana ne tirogna fara. Eghuteuna mana jaola ne tirogna te ghamu baludi mare na.

Fapea Samuel 12:17 ပူးပေါင်းရင်းမြစ်များ

Fapea Samuel 3:35

Ka narane igne naiknore toreni king mala ghamu. Nu mana tirogna ne nhaꞌa cheke eghu, “Iara ginauna na tirogu ghamu bret, ba kaisei glepo ghilei plulu naprai! Nu jame theome plulu teu naprai na te ghamu iara na, God ginauna falehe ghau iara.”

Ululahu Samuel 28:23

Nu mae Sol tirogna ne cheke eghu, “Iara tirogu ghamu.” Phei nogna mae gloku mana re ne toghoni naikno biꞌo igne ne toreni fara mana mala ghamu. Aonu mana fanomho ka retilo ne kegra haghe ka glose na ne gnokro haghe ka sape na.

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Fapea Samuel 12:18

Ke leghudi fafitu narane te fogra mae sitei na igre, mae sitei igne ne lehe. Nu goro mae biꞌo te loku ranghini mae Devet igre ne mhaghu nodi fara te tei cheke ka mana tela lehehi thugna mana na. Aonu mare ne cheke eghu fari thedi, “Kani theome lehe teku mae sua igne tahati neke cheke ka mana, nu mana neke theome fanomho ka noda cheke tahatire. Eghume, gognarona tahati theome tangomana te tei cheke ka mana eigna tela lehehi thugna mana na. Na eghunu fadiꞌani mana thegna eghu.”

Nodi Khoje Hatimare Mae Jiu 102:4

Thinigu iara na la gagaro fara la ghilei nhubragna kolho, jateula buburu tela goꞌehira eghu. Iara la ghilei tirogu imahi gognaro na.

Profet Daniel 6:18

Ke leghugna igne, mae king neke figri ka nogna suga na. Aonu ka bongi igne mae king ne theome thuru, ba ne theome ghamu. Mana jaola ne theome ehani kaisei naikno mala fagleꞌani nagnafagna na.

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.