Fapea Samuel 11:6 - Buka Blahi Ka Cheke Holo

⁶ Mae Devet laseni igne ne fatei cheke igre ka mae Joab, “Iara magnahaghei nigho iagho te kuru meini mae Uraea mala mei filo ghau iara.” Aonu mae Joab ne leghuni unha te chekeni mana igne ne kuru fapuloni mana ka mae Devet.

Fapea Samuel 11:6 ပူးပေါင်းရင်းမြစ်များ

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Matiu 26:74

Mae Pita ne funu tibri balu naghoni thegna, ne cheke eghu, “Tutuani fara kligna ka God! Te chaghi iara na God ginauna fate ghau iara! Iara theome laseni mae igne!” Theome raugha ke leghugna te cheke teu mae Pita igne, kaisei khokorako ne taitanhi.

Matiu 26:72

Ka vido tuana mae Pita chaghi ne cheke eghu balu baubahu, “Iara theome laseni mae Jisas!”

Matiu 26:70

Mae Pita chaghi ke uludi naikno kegra teu jare re, ne cheke eghu, “Iara theome laseni unha te chekeni iagho igne.”

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Ululahu Samuel 15:30

Aonu mae Sol ne cheke eghu, “Uve, iara la edihi glepo te diꞌa re, nu iagho ghatho tahu ghau iara ka tathajidi goro mae biꞌo te gnafa gre, nei ka tathadi naikno gre eghu. Mei sagho mala pulo tapa pogho soruni nou Lord God iagho na.”

Jenesis 4:7

Jame te loku fakeli iagho na, iara ginauna na ghatho tahu nigho, nu jame te loku fadiꞌa iagho na, u nakhibo na ginauna na kaikalitiu te mala goigoni nigho iagho na. Eigna u nakhibo na magnahaghei te tapla fapari nigho iagho. Nu thosei snakreni nakhibo na me mala funei fruni nigho eghu.”

Fapea Samuel 11:5

Nu ke leghudi igre Batseba haimini te au thugna na ne fatei cheke ka mae Devet.

Fapea Samuel 11:7

Kate thoke mei mae Uraea na, mae Devet ne ghusna eghu ka mana, “Faꞌunhau mae Joab baludi mae soldiara? Mare keliu kolho ba theo? Faꞌunhau magra na?”

Fapea Samuel 23:39

mae Uraea maegna Hit. Tolufulu fitu mae soldia te au ka thara igne.