Fapea Samuel 11:27 - Buka Blahi Ka Cheke Holo

²⁷ Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Fapea Samuel 11:27 ပူးပေါင်းရင်းမြစ်များ

Fapea Samuel 12:9

Naugna unha sagho te tirouni fara chekegna Lord gnea? Naugna unha sagho te eni puhi te diꞌa ignea? Eigna iagho neke snakreni mae Uraea ka mae soldia di Amon igre neke faleheni mana neke blau khetogna mana na!

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Ululahu Kronikols 21:7

Nu Lord ne theome gleꞌani nogna cheke mae Devet te mala kahadi naiknodi Israel igne, aonu mana ne paradi naiknodi Israel.

Diutronomi 22:29

uve, te eghu na, mae tuana tusu lao glima fulu vido silva ka kmagna gaꞌase igne. Eghuteuna mana tolaghi ka gaꞌase igne eghu, naugna mae tuana neke goigonini naꞌa. Eghuteuna mana theome tangomana teke kokoni gaꞌase igne.

Jenesis 38:10

Puhi te eni mae Onan igne ne thofno jafra fara ka tathagna Lord na, nu Lord ne jaola ne faleheni mana.

Nodi Khoje Hatimare Mae Jiu 5:6

Iagho tapla sorudi nafnata naikno te cheke chaichaghi re. Eghuteuna iagho tiroudi naikno te falehe porudi keha naiknore, ba naikno te maomajora.

Matiu 1:6

mae Jesi na neke kmagna mae King Devet. Mae Devet na neke kmagna mae Solomon, (nu idogna mana na neke khetogna mae Uria);

Fapea Samuel 15:26

Nu jame te theome kelitagna mana ka iara na, iara na lisa lao ghau thegu mala eni mana unha te ghathoni ka iara na.”

Ululahu Kings 21:16

Aonu kate nomhini mae Ehab tela lehehi mae Nebot na, mana ghosei ne tei hata nagare igne.

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.

Profet Isaia 29:15

Tore! Kokhoni ghami fara ghotilo iheire te fariuriu pophoru ka Lord nomi gaoghatho te diꞌare. Ba? Na theo kaisei naikno nate filodi nomi gloku nei puhimi eghu te diꞌa tuare neu si ghotilo ia?

Lamentations 3:36

Lord ginauna jaola laseni te theome leghuni mae fate na puhi te doglo na kate fate ghita tahati na.