Fapea Samuel 11:21 - Buka Blahi Ka Cheke Holo

²¹ Theome ghathoni si ghotilo teke lehe mae Abimelek, thugna mae Gidion tifa ia? Kaisei gaꞌase au neku kligna ka gringni thinagna namono biꞌo Tebes neke fada faleheni mana ka thina mala ei wit ia. Ba, naugna unha si ghotilo te tei namo fara ka gringni thinagna namono biꞌo na gnea?’ Glahu jame te cheke faheta eghu king ka iagho na. Iagho ginauna cheke eghu ka mana, ‘Nou soldia iagho mae Uraea ia jaola ne lehe.’ ”

Fapea Samuel 11:21 ပူးပေါင်းရင်းမြစ်များ

Jajis 7:1

Aonu hamerane boibongi ka keha narane, Gidion balugna nogna armi na kegra haghe ne tei au rhegna glokha khoꞌu Harod. Mare au rhegna thogele Gilead. Eghuteuna armigna Midian na au ka keha phile sare biꞌo ke raru Jesrel, rhegna kaisei thogele te kiloi More. Lord ne cheke eghu ka mae Gidion, “Gidion, nou armi iagho na thono biꞌo fara, iara theome tangomana te atha te salaꞌuni armi gna Midian. Jame te uluni mare magra na, mare gaoghathodi na ne uluni magra na ka nodi nolaghi thedi. Eghuteuna mare ginauna na theome ghatho tahu ghau iara. Iagho na cheke eghu ka nou armi na, ‘Tore! Jame keha mae ka ghotilo mhaghu nodi fara, mare tangomana teke figri ka nodi namono re!’ ” Aonu, kate cheke eghu mae Gidion ka mare igne varadaki phei thogha mae neke figri ka nodi namono re. Nabotho thogha kolho te au balugna mana na.

Fapea Samuel 3:34

Mare neke theome haru khamemu nei gahemu teu iaghore. Nu iagho neke lehe ka khamedi mae te diꞌa.” Kate koje te gnafa mae Devet khoje igne na, naiknore kafe tanhi ne gnafa eigna mae Abna.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Jajis 6:32

Aonu, funu ka narane igne, Joas ne kiloni Gidion, Jerub-Baal, gaoghathogna na, “Snakreni Baal mala tafrani thegna,” naugna Gidion neke paꞌe soru nogna olta Baal tuana.

Profet Isaia 14:10

Mae igre ginauna maꞌe nigho iagho na cheke eghu, ‘Gognarona iagho glaꞌe jateula ghehati eghu! Tahati te gnafa na kaisei nanaba gognaro na!’

Nodi Khoje Hatimare Mae Jiu 39:8

Hata fapulo ghau nei hata kokodi eghu nakhibogu gre. Thosei snakredi naikno te fameomekro are mala maꞌe ghau iara.

Fapea Samuel 11:17

Eghuteuna kate jifla mei soldia gna namono biꞌo Raba igne te mei magra ka mae Joab balugna nogna armi na, keha nogna soldia mae Devet igre ne lehe. Eghuteuna mae Uraea jaola ne lehe baludi mare.

Fapea Samuel 11:20

Glahu te diꞌatagna mana te ghusna eghu ka iagho na, ‘Naugna unha si ghotilo te tei namo fara ka namono na te magra ka mare gnea? Ba, theome laseni si ghotilo te au teu mare kligna ka gringni thinagna namono na te fadi jata ghami mare gnea?

Fapea Samuel 11:22

Aonu mae te hata nonomho igne jifla ne tei ka mae Devet ne toutonu ka mana gobigna lepo teke chekedi mae Joab ka mana ra.