Fapea Samuel 11:2 - Buka Blahi Ka Cheke Holo

² Kaisei narane, fei grafi, mae Devet dofra haghe ne tei faghaghafa ke tagru suga. Eghuteuna, kate au teu mana ke tagru suga na, mana ne filo teini kaisei gaꞌase apu neu. Gaꞌase igne thono famane fara.

Fapea Samuel 11:2 ပူးပေါင်းရင်းမြစ်များ

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Nodi Khoje Hatimare Mae Jiu 119:37

Togho ghau iara sagho mala leghuni iara puhimu iagho te keli na, mala theome leghudi iara puhi te diꞌare.

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Mae Khuru 10:9

Kate mei namo thilomare Jopa farihotei aublatha ka keha narane na, mae Pita na la kulu haghehi ka chogho ke kligna suga na mala tarai.

Proveb 6:25

Neuba gaꞌase igne ne famane fara thinigna na, iagho thosei lehe nou ka naꞌa. Neubane kaflo gehe naꞌa ka iagho, iagho thosei snakreni naꞌa mala ulu nigho.

Thoutonu Eigna Mae Job 31:1

Job ne cheke eghu: “Iara la enihi kaisei nhaꞌa cheke, mala theome filo tutu ka gaꞌase, eghuteuna thosei ghaoghatho mala eni puhi te diꞌa na ka naꞌa.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Proveb 31:30

Keha gaꞌase re famane, nu chaichaghi kolho eghu. Keha gaꞌase re famane filodi re, nu katha vido kmoꞌei kolho eghuteuna hui. Nu gaꞌase te ghatho tahuni Lord na, nabagna te mala cheke fakelini na.

Diutronomi 22:8

“Kate eni ghotilo kaisei vido ke kligna suga mala faghaghafa, ghotilo bara lithui ka thaba mala theome tangomana kaisei naikno te uka te lehe na, naugna jame te lehe naikno na ghotilo ginauna khale ka falehe naikno.

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Matiu 10:27

Unha te chekedi iara ka ghotilo kolho te nomhidi ghotilo igre, ghotilo ginauna tei cheke ranghidi naiknore mala kafe nomhidi mare.

Profet Jeremaea 19:13

Ghotilo gahu insens mala pogho soru ka nathunu ke kligna suga Jerusalem, nei ka sugadi hatimare mae king. Eghuteuna ghotilo tofa waen ke kligna olta mala kilo fnaknodi keha god. Suga te gnafa igre ginauna kafe chara fara jateula namono Tofet eghu ka tathagu iara na.’ ”

Proveb 19:15

Naikno te thodo te thuru fabrahu ka suga na ginauna theo gano.

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Fapea Samuel 4:5

Kaisei narane, mae Rekab ghe mae Bana, phei thugna mae Rimon igre ne tei ruma ka sugagna king Isboset fari hotei naublatha. Ka narane igne, phia mare tei ka vido te thuru teu mana ka nogna chogho na.

Ululahu Samuel 9:25

Gnafa teuna mare jifla ka vido blahi igne neke kafe soru ka namono na. Eghuteuna mae Samuel hatani mae Sol ne haghe ke tagru suga ne toutonu balugna mana jare. Eghuteuna mae Sol ne thuru ka vido igne.

Jenesis 39:6

Aonu mae Potifa ne lisa lao ka mae Josep te mala reireghidi nogna gobigna lepore. Eghuteuna mae Potifa ne theome kaisei ghatho peapeani ka mae Josep. Thono theo fara. Gano te mala ima na ngala te ghathoni mana na. Mae Josep gne kaisei mae nheta fara nei kaisei mae famane fara eghu fifilogna na.

Matiu 24:17

Mae ihei te au ka thagrugna nogna suga na, thosei soru tei hata fajifla nogna glepore ka nogna suga na.

Jenesis 12:11

Kate tei rhegna kantri Ijep gne mae Ebram ne cheke eghu ka khetogna na, “Sarai, iagho kaisei famane gaꞌase fara.

Diutronomi 5:21

Thosei mamagnadi nogna glepo kherami fofodu na mala hata mala nomi themi. Thosei mamagnani khetogna mana na, ba nogna suga na, ba nogna nagare na, ba nogna naikno gloku na, ba nogna buluka na, ba nogna dongki na, ba unha nogna glepo mae kheramu fofodu na.”

Fapea Samuel 13:1

Mae Absalom kaisei thugna mae King Devet, mana au kaisei famane gregagna te theome tolaghi teu, nanghagna na Tama. Eghuteuna keha thugna mana na nanghagna na mae Amnon, mae Amnon gne thono magnahagheni fara Tama.

Fapea Samuel 14:27

Mae Absalom au thilo thugna nalhaꞌu nei kaisei thugna gaꞌase. Nanghagna gaꞌase igne, Tama. Naꞌa kaisei famane gaꞌase fara.

Proveb 7:8

Fei grafi kate pluluhi naprai na, mae majaghani igne ne tei namo ka nogna suga gaꞌase tholaghi te diꞌa puhigna na.