Fapea Samuel 11:11 - Buka Blahi Ka Cheke Holo

¹¹ Nu mae Uraea ne cheke eghu, “Mae soldiadi Israel nei Juda teura mare au ka magra. Eghuteuna Bokis Blahi ia jaola au baludi mare. Mae Joab nogu mae komanda iara ia jaola au baludi nogna mae biꞌore au kolho ke lamnadi nodi suga tapuale re ke kosigna vido mala magra na. Eghume theome keli jame kaisei iara kolho te tei ka sugagu na te ima, koꞌu nei thuru balugna khetogu na teuna. Tutuani fara, te chekeni iara ka iagho na, iara theome tangomana te eni nafnata puhi igne na!”

Fapea Samuel 11:11 ပူးပေါင်းရင်းမြစ်များ

Fapea Samuel 7:2

Ka narane igre mana ne cheke eghu ka mae profet Nata, “Iara gognarona au ka famane suga biꞌo te horo ka gaju sida, nu nogna Bokis Blahi God na au ka kaisei suga tapuale kolho.”

Fapea Samuel 20:6

Aonu mae Devet ne cheke eghu ka mae Abisae, “Mae Seba thugna mae Bikri igne ginauna ei puhi biꞌo fara ka tahati salaꞌuni unha teke eni mae Absalom ia. Iagho hata nogu mae soldia iara ra mala tei hironi mana. Glahu rikha tei mana ka kaisei namono te bara te maku ka thina.”

Fapea Samuel 7:6

Iara theome au ka suga biꞌo. Theo. Funu ka narane teke hata fapulo iara Ijep naiknodi Israel tifa ra, iara au kolho ka suga tapuale ghilei mei posa ka narane gognarogne.

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Jone 13:14

Iara nomi mae velepuhi nei nomi funei eghu ghotilo te titihi ghahemi ghotilo gre. Eghume ghotilo mala jaola titihi ghahe fari themi.

Fapea Samuel 14:19

Aonu king ne cheke eghu, “Ba? Mae Joab teke cheke nigho iagho te mala mei chekedi iagho glepo igre?” Naikno biꞌo igne ne cheke eghu, “Nogu funei, iara thofno cheke kate tutuani. Iagho lalase fara, eghuteuna theo kaisei naikno te poruni kaisei glepo ka iagho na. Uve, tutuani fara, mae Joab nou mae gloku iagho ia neke edi cheke igre ka iara.

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Samuel 17:55

Kate filoni mae Sol te tei magra mae Devet te faleheni mae Golia igne, mana ne ghusna ka mae Abna, mae komanda gna nogna armi na, “Abna, thugna mae ihei si mae majaghani ignea?” Mae Abna ne cheke eghu, “Iara cheke kate tutuani fara, iara theome laseni.”

Ululahu Samuel 14:18

Ka narane igne, armigna Israel na ne pala nogna Bokis Blahi Lord na baludi ne tei ka magra. Mae Sol ne cheke eghu ka Pris Ahaeja, “Hata mei Bokis Blahi ia.”

Ululahu Samuel 4:4

Aonu mare ne kurudi keha mae mala tei Saelo, mala pala mei Bokis Blahi na. Phei thugna mae Eli, Hofni ghe mae Finihas, phiamare ne mei balugna Bokis Blahi aheva siasiglagna Lord mae ihei te au nolaghi fateote'o na gnokro jateula king eghu farihoteidi phei engel igre.

Fapea Samuel 11:10

Kate nomhini mae Devet te theome tei mae Uraea ka nogna suga na, mana ne cheke eghu ka mae Uraea, “Iagho raugha farahi te jifla kokoni sugamu na. Naugna unha sagho te theome tei ka sugamu na gnea?”

Naba 32:6

Aonu mae Moses ne cheke eghu, “Ba, ghotilo magnahaghei au ka vido igne, mala nu tei kolho kherami ghotilore ka magra kate au teu ghotilo agne na?