Fapea Samuel 10:16 - Buka Blahi Ka Cheke Holo

¹⁶ Eghuteuna king Hadadesa ne fatei cheke ne kilo meidi soldia te gnafa Aram te au ke kasa Khoꞌu biꞌo Iufretis. Aonu mare ne kafe mei ka namono Helam. Mae Sobak, nogna komanda king Hadadesa igne ne batudi mare.

Fapea Samuel 10:16 ပူးပေါင်းရင်းမြစ်များ

Ululahu Kronikols 19:16

Kate filoni armigna Siria gne te theome tangomana mare te uluni armigna Israel, mare ne kuru teidi keha mae mala hata mei keha soldia di Siria te au teu ka keha phile Khoꞌu biꞌo Iufretis mala mei toghodi mare. Aonu mae Sofak nogna komanda biꞌo King Hadadesa igne batudi ne mei nogna soldiare.

Ululahu Kronikols 18:5

Ka narane igne soldia di Siria te au Damaskas igre mei ne toghoni King Hadadesa, nogna armi King Devet igne ne aknu falehe varadaki phei thogha soldia ka magra igne.

Ululahu Kronikols 18:3

Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria.

Fapea Samuel 10:15

Kate filoni armi gna Aram igne te diꞌa soru nodi ka armi gna Israel igne na, mare ne kilo fodu nodi soldiare ne eni haghe kaisei armi biꞌo.

Fapea Samuel 10:17

Kate nomhini igne, king Devet ne kilo fodudi nogna soldiare ne kafe mei. Aonu mana batudi mare ne tei kasa ka Khoꞌu biꞌo Jordan ne tei Helam. Ka vido igne armi gna Aram igne tarabanahi, mare mei ne thafoni nogna armi mae Devet igne.

Ululahu Kings 11:23

Aonu God nhaꞌa lao gaoghatho ka King Reson gna Siria mala jaola naoka ranghini King Solomon. Mae Reson gne thugna mae Eliada, nu tifa na mana neke kaisei nogna mae biꞌo King Hadadesa jare Soba, nu mana neke rikhani mana.