Fapea Samuel 1:23 - Buka Blahi Ka Cheke Holo

²³ Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Fapea Samuel 1:23 ပူးပေါင်းရင်းမြစ်များ

Profet Jeremaea 4:13

Aonu, mae Jeremaea ne cheke eghu ka naiknore, “Filo si ghotilo! Hatimare mae naoka! Mare ginauna mei jateula nuri blahi te mei balu gromno ra eghu. Nodi chariot mae igre ginauna mei jateula saeklon eghu. Eghuteuna nodi hosere umhu fara salaꞌuni gaghata te flalo ka maloa na ia.” Aonu ghotilo ginauna cheke eghu, “Tore, tahati gne lehehi!”

Jajis 14:18

Ka narane tuana, ame plulu nga naprai na teuna, maedi Filistia igre mei ne cheke eghu ka mana, “Unha gne te mamahe salaꞌuni jurukuli na? Eghuteuna unha gne te rheta salaꞌuni lion na?” Samson ne cheke eghu ka mare, “Ghotilo neke huhuruni khetogu iara na mala cheke thakleni gaoghathogna grougromu igne, jateula mae te huhuruni gaꞌase na mala loku ka nogna nagare na ia eghu. Jame theome chekeni naꞌa ka ghotilo meuna, ghotilo jame theome laseni nogu grougromu iara igne!”

Lamentations 4:19

Noda naoka tahati gre flalo jateula gaghata te flalo te soru te hata ghegna gano ra eghu. Mare ngolhi ghita ke kligna thogele, eghuteuna poru ka namono nagou mala loki ghita.

Thoutonu Eigna Mae Job 9:26

Nakarhagu iara na ghosei tei dofini jateula kaisei hore te umhu fara ra eghu. Ba jateula kaisei gaghata flalo te soru te tathako ghegna gano ra eghu.

Ululahu Samuel 18:1

King ghe mae Devet ne toutonudi unha teke edi mae Devet re. Funu ka narane igne, mae king ne theome snakreni mae Devet teke figri ka namono gna na, naugna mana magnahagheni mae Devet te loku ranghini. Ka vido tuana mae Jonatan thugna mae Sol igne fofodu fara balugna mae Devet jateula kaisei thabusigna eghu.

Diutronomi 28:49

“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.

Ululahu Kronikols 12:8

Eghuteuna keha mae ka vikegna mae Gad mei ne loku fodu ka nogna soldia mae Devet kate poru teu mare ka namono nagou na. Mae igre thofno mae soldia nheta fara, eghuteuna mare laseni fara lokugna greoreo nei goru teu ka magra na. Naiknore mhaghu nodi fara kate filodi mare na jateula te mhaghu fara kate filoni lion ia eghu. Eghuteuna mare lase chari fara.

Fapea Samuel 23:20

Benaea thugna mae Jehoeada kaisei mae frane gna Kabsel, mana jaola kaisei mae soldia nheta te hata nafnakno biꞌo. Eghuteuna mana edi kmana glepo te biꞌo, eghuteuna kaisei glepo na, mana neke aknu falehe phei mae soldia nheta di Moab. Eghuteuna ka narane te khoveo maku te kiloi aes igne, mana soru ka khora na neke aknu falehe kaisei lion.

Ululahu Samuel 20:2

Nu mae Jonatan ne cheke eghu, “Theo! Iagho theome tangomana te lehe na! Eigna mae kmagu iara na theome tangomana te poruni kaisei glepo ka iara, neubane glepo biꞌo ba ikoi!”

Fapea Samuel 2:18

Thilo thugna Seruia igre jaola ne au ka magra igne. Mae Joab, mae Abisae, nei mae Asahel. Mae Asahel gne kaisei mae lase chari fara jateula deer eghu.

Fapea Samuel 1:24

“Ghotilo gaꞌasemi Israel ra, tanhi ni king Sol! Eigna mana neke tufa famane pohe ukru te valakasi gol ka ghotilo. Uve, ghotilo neke famane filo mire.

Famane Khoje 5:16

Chekegna mana na mamahe fara Iara thofno magnahagheini fara mana. Goro gaꞌasemi Jerusalem, igne kheragu iara na. Mana kheragu iara.