Fapea Samuel 1:2 - Buka Blahi Ka Cheke Holo

² Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Fapea Samuel 1:2 ပူးပေါင်းရင်းမြစ်များ

Ululahu Samuel 4:12

Kaisei mae ka tharaknagna mae Benjamin teke rikha ka magra na, mana ne tei posa Saelo ka narane tuanala. Mana ne rerheku nogna pohe na ne ghiha glose ka phaꞌugna na fagaglana te diꞌanagnafa na.

Fapea Samuel 4:10

Kani au teku iara ka namono Siklag, kaisei mae neke mei cheke ka iara eigna tela lehehi mae Sol. Te ghathoni mae igne na, na keli tagu iara ka nonomho te hata te mei mana igne eghu. Nu iara neke chekedi nogu mae soldiare mala faleheni mae igne. Tuana tabagna nogna nonomho mana igne!

Ululahu Samuel 25:23

Kate filoni mae Devet na, Abigel ghosei ne krofu soru ka nogna dongki na ne pogho soru pari ke ulugna mae Devet ne cheke eghu, “Funei, fanomho mei ka iara! Glepo igre nogu najafra iara!

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nogna Buka Esta 5:1

Esta ne theome ima nabagna thilo narane. Ka fatilo narane na Esta ne pipichi nogna pohe nafnakno Kuin na ne tei ka sugagna King. Naꞌa ruma haghe ka grengatha na khegra neu jare fei te gnokro figri lao teu King igne.

Nogna Buka Esta 4:16

“Iagho tei kilo fodudi naikno Jiu te gnafa te au ke lamnagna namono biꞌo Susa mala thosei ima nei koꞌu eghu nabagna thilo narane nei thilo bongi. Eghuteuna iara baludi nogu gaꞌase gloku te au balugu igre ginauna jaola na theome ima nei koꞌu eghu. Aonu ke leghudi thilo narane igre, neuba iara ne huhughuni vetula na, iara ginauna tei filoni king. Eghuteuna, neuba iara ne lehe, iara mala lehe ngala.”

Fapea Samuel 15:32

Mae Devet haghe ka thogele Oliv ne tei ka vido blahi te mala tarai ka God na. Mae Devet ne thafoni mae Husae, kaisei mae ka vikegna mae Aki. Mae Husae ne rerheku nogna pohe na, aonu mana ne ghiha glose ka phaꞌugna na, fagaglana gna nogna diꞌanagnafa na.

Fapea Samuel 14:4

Naikno igne tei ne filoni mae king. Aonu naꞌa pogho soru pari ke ulugna king ne fafnaknoni mana. Eghuteuna naꞌa ne cheke eghu, “King, iara magnahaghei nigho iagho te togho ghau iara.”

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.

Ululahu Samuel 4:16

“Iara rikha ka magra ginei na, eghuteuna iara aongala posa meinga agne gognarogne.” Mae Eli ne ghusna eghu ka mana, “Thuguo, ne faꞌunha?”

Jenesis 43:28

Mare ne cheke eghu ka mana, “Mae biꞌo, mae kmami ghehati na mana keliu ngala.” Eghuteuna mare neke fapea pogho sorui pari ke ulugna mana.

Jenesis 37:34

Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Jenesis 37:29

Ke leghugna igne mae Ruben teke theome au jare ka vido tuana neke tei neke efra ka khora na. Kate dofini mae Josep jare na, mana ne diꞌanagnafagna fara ne rerheku nogna pohe na.

Jenesis 22:4

Ka fatilo narane na mae Ebraham ne filo fakhaba laoni namono te mala tei mare na.

Fapea Samuel 1:3

Mae Devet ne ghusna eghu ka mana, “Iagho mei funumu aheva?” Mae igne ne cheke eghu, “Iara rikha mei funu ka vido aheva te au armi gna Israel.”

Profet Esikiel 27:30

Mare te gnafa na ginauna kokhonidi, eghuteuna na diꞌanagnafadi fara ka iagho. Mare ghiha gaughavu glose ka phaꞌudi re, eghuteuna pepele pari ke lamna nakrofu.

Fapea Samuel 13:19

Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Fapea Samuel 24:20

Mae Arauna efra ne filoni king baludi nogna soldia re, aonu mana mei ne pogho soru pari ke ulugna king,