Fapea Samuel 1:12 - Buka Blahi Ka Cheke Holo

¹² Mare thofno diꞌa nagnafadi fara ne tanhidi mae Sol ghe mae Jonatan, nei nogna naikno Lord nei naiknodi Israel te lehe baludi phiamare ka magra igne. Mare diꞌanagnafa ne theome ghamu ne ghilei rafi narane thongana tuana.

Fapea Samuel 1:12 ပူးပေါင်းရင်းမြစ်များ

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Proveb 24:17

Iagho thosei gleale'a kate thoke mei hoholo na ka nou naoka na. Iagho thosei gleꞌa kate uka mana pari na.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Profet Emos 6:6

Ghotilo koꞌu waen koba, nei ghiha famane oel te siri keligna ka thinimire. Nu ghotilo theome kokhonini kolho nomi kantri Israel nate mei mae naoka te goigoni igne.

Fapea Samuel 3:35

Ka narane igne naiknore toreni king mala ghamu. Nu mana tirogna ne nhaꞌa cheke eghu, “Iara ginauna na tirogu ghamu bret, ba kaisei glepo ghilei plulu naprai! Nu jame theome plulu teu naprai na te ghamu iara na, God ginauna falehe ghau iara.”

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Ululahu Samuel 31:13

Aonu mare atha nhubradi fati mae igre ne giugilui ke parigna gaju tamaris. Mare diꞌanagnafa ne theome ghamu nabagna fitu narane.

Ululahu Samuel 31:6

Mae Sol, thilo mae thugna re, mae majaghani igne, nei nogna soldia mana re eghu ne kafe lehe ka narane igne.