Fapea Pita 3:4 - Buka Blahi Ka Cheke Holo

⁴ Eghuteuna mare ginauna cheke eghu ka ghotilo, “Tore, aheva si mae Jisas na ia? Mana neke nhaꞌa cheke mala ke pulo mei, nu au meu aheva eghu si mana gnea? Mae ku'edara lehe la gnafahi, nu gobigna lepo igre theome ke tughu funu ka narane teke vuavuhagna nauthoglu gne.”

Fapea Pita 3:4 ပူးပေါင်းရင်းမြစ်များ

Profet Jeremaea 17:15

Mare cheke eghu fabrahu ka iara, “Ne faꞌunha si chekegna Lord teke toutonu iagho ia? Naugna unha site theome tutuani cheke tura?”

Profet Malakai 2:17

Mae profet Malakai ne cheke eghu, “Lord na theome magnahaghei te nomhidi nomi cheke ghotilo are. “Nu ghotilo cheke eghu fabrahu koba, ‘Naugna unha si mana te theome magnahaghedi noda cheke tahati grea?’ “Mana theome magnahaghei nomhidi nomi cheke ghotilo re naugna ghotilo ne cheke eghu fabrahu koba, ‘Lord na theome diꞌatagna ka mae ihei te tapla jafra ka nakhibo na.’ Eghuteuna ghotilo jaola cheke eghu koba, ‘Naugna unha si God te theome fatedi naiknore ka puhi te doglo gnea?’ ”

Luku 12:45

Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Matiu 24:48

Nu jame mae gloku tuana kaisei mae diꞌa, mana na cheke eghu ka gaoghathogna thegna na, ‘Nogu mae funei iara ia ginauna nake theome ghosei ke pulo mei.’

Ululahu Tesalonika 2:19

Eigna ghotilo nomi grouronu, nomi gleale'a, nei nomi nafnakno. Uve, naugna eimi ghotilo, ghehati thofno gleale'a fara kate kegra fodu balugna Lord Jisas Kraes kate pulo mei mana na.

Jenesis 19:14

Aonu mae Lot jifla ne tei cheke eghu ka phei mae te magnahaghei tolaghi teu ka phei thugna gaꞌase mana re, “Faghose, jifla kokoni namono igne! Lord ginauna na roꞌeni namono igne.” Nu phei mae igre gaoghathodi na ne cheke fagauglahu kolho mana eghu.

Nonomho Te Keli Teke Risoi Mae Mak 13:19

Naugna puhi igne ginauna na biꞌo fara, ke uludi puhi teke edi tifa funu ka teke vuvuhagna God nauthoglu igne te posa gognaro gne. Eghuteuna ginauna na theo kaisei puhi jateula la igne teuna.

Eklesiasti 1:9

Glepo te edi tifa ra ginauna nake pulo mei. Theo kaisei glepo majaghani te au ka nauthoglu igne.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Profet Esikiel 11:3

Mare ne cheke eghu, ‘Theome raugha, tahati ginauna nake funu loku ka noda suga ra. Namono igne jateula kaisei suspen aean eghu, eghuteuna tahati au fakeli kolho lamna jateula nafnahi te au ke lamna suspen ra eghu.’

Nonomho Te Keli Teke Risoi Mae Mak 10:6

Nu funu ka vuvuha na, God neke edi repa nalhaꞌu ghe gaꞌase.

Matiu 24:28

Tutuani fara, naikno kmana ginauna kafe filo laseni meigu iara na, jateula kate filoni bukrei glango na, mare na filo laseni aheva thuru teu thinigna bosu te lehe na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Fapea Pita 3:12

Kate ofoni teu nogna narane biꞌo God igne, ghotilo loku heta mala faghose mei narane igne. Ka narane tuana khaꞌaghi na ginauna ghamu fateo maloa na, eghuteuna gobigna lepo ka maloa na ginauna branadi ghilei blalho kolho.