Fapea Pita 3:3 - Buka Blahi Ka Cheke Holo

³ Ghotilo mala thofno laseni eigna glepo igne. Na theome raugha ka nauthoglu gne keha naikno ginauna mala edi glepo te diꞌa te magnahaghedi thedire. Naikno igre ginauna mei maꞌe ghami ghotilo.

Fapea Pita 3:3 ပူးပေါင်းရင်းမြစ်များ

Letas Teke Rioriso Mae Jud 1:18

Mare neke cheke eghu ka ghotilo, “Kate namo mei narane leghu lahu na keha naiknore ginauna maꞌeni Nonomho te Keli gne. Mare magnahaghei te leghudi kolho gaoghathodi thedi te diꞌa fara re nei mala tirodi leghuni God.”

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Fapea Pita 1:20

Nu ghotilo ghaoghatho fakelini igne, eigna theo kaisei mae profet te tutuani te leghuni nogna gaoghatho thegna na te riorisoni chekegna God te au ka buka blahi na. Theo fara.

Fapea Timoti 3:1

Ghathoni igne! Jare ginauna na kmana puhi biꞌo ka narane leghu lahu re.

Proveb 3:34

Mana faparidi iheire te cheke fapaiparini keha mae na, nu keli ranghidi iheire te nhaꞌa faparidi thedi.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Proveb 14:6

Mae te patugama na hiro gaoghatho te keli, nu theome tangomana te hata na. Nu mae te autagna gaoghatho te keli na, theome gloku biꞌo te hata glalase na.

Ululahu Jone 2:18

Uve thuguro, narane leghu lahu na la namohi! Ghotilo nomhinihi nogna naoka mae Kraes la namo mei. Tutuani fara, gognaro na kmana nogna naoka mae Kraes auhi agne! Eghume tahati laseni u narane leghu lahu la namo meihi.

Profet Hosia 7:5

Ka narane te eni king gaghamu na baludi nogna tothoghei funei na, mare koꞌu thaviru baludi mae te diꞌare ghilei fanoinoli tafri.

Profet Isaia 29:20

Nu naikno te paradi keha naiknore igre, Lord ginauna paradi fara. Ihei te cheke fadiꞌani puhi te doglo na ginauna ari theo nafugna. Eghuteuna iheire te eni fabrahu puhi te diꞌa na, Lord ginauna paradi fara mare.

Profet Isaia 28:14

Eghume, famane fanomho mei ka nogna cheke Lord igne, ghotilo mae mala baubatu te gnafa Jerusalem te lase cheke fahaehaghe ra!

Profet Isaia 5:19

Kokhoni ghami, ghotilo iheire cheke faparini God koba te cheke eghu ra, “Noda God tahati maeda Israel te blahi fara igne, faghose edi unha teke nhaꞌa chekedi mana ra mala filodi nei lasedi eghu tahati gaoghathogna mana na.”

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Hibru 1:2

Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.