Fapea Pita 3:17 - Buka Blahi Ka Cheke Holo

¹⁷ Nu ghotilo kheraguro, ghotilo lasedihi u cheke igre. Reireghi fakeli ghami themi, na eghunu korho fadelei ghami nodi cheke mae te theome leghu vetula igre eghu, te eghu na ghotilo ginauna theome au heta ka mae Jisas.

Fapea Pita 3:17 ပူးပေါင်းရင်းမြစ်များ

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Ululahu Korin 10:12

Eghume, ihei la kegra hetahi thegna ka fatutuani na teu ka gaoghathogna na, filo fakeli eghu, glahu uka kolho.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Proveb 1:17

Thono fameomekro fara jame te horo iagho phighoro na kate filo teu nanghaji na.

Fapea Timoti 4:15

Fiofilo nighoi ka mana, glahu ke jaola mana tamu, naugna mana cheke faparini fara noda farirhiu tahati na.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Matiu 16:6

“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Matiu 16:11

Eghume iara neke theome cheke ka ghotilo eigna bret. Naugna unha site theome laseni ghotilo gnea? Iara neke cheke ka ghotilo mala filo fakeli ghami nei reireghi ghami eghu ka nodi isi hatimare mae Farasi nei hatimare mae Sadiusi.”

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.

Ululahu Pita 5:9

Eghume kegra maku ka nomi fatutuani na mala tangomana ghotilo te theome eni unha te magnahagheni mae Satan na. Naugna ghotilo lasedi thabusimi nei greghami teu te fatutuani ni mae Kraes heva heva ka nauthoglu gne jaola thafodi nafnata naꞌau papara te thoke ghami ghotilo gre.

Filipae 3:2

Filo fakeli ghami ghotilo ia ka naikno te diꞌa fara puhidi are. Mare heta fara ka puhi te dalha thini gne. Mare farirhiu koba igne fagaglana te leghuni puhigna God na.

Jone 16:4

Uve, iara gognarona kulu chekedi glepo igre ka ghotilo mala ne funu edi mare glepo igre ka ghotilo, ghotilo nake ghatho fapulodi unha teke chekedi iara igre eghu. “Iara neke theome chekedi ka ghotilo glepo igre tifa na, naugna iara neke au nekeu balumi ghotilo.

Galesia 5:4

Ghotilo iheire te mala doglo nomi balugna God teu te fariuriu leghuni vetula na, Kraes na la theo nafugnahi ka gaoghathomire. Ghotilo la tei kokonihi nogna khokofakasai God na.

Fapea Pita 2:7

Nu God neke fakarhini mae Lot ka phei namono igre, Sodom ghe Gomora. Eigna mae Lot gne kaisei mae doglo fara, eghuteuna mana neke au diꞌanagnafa ka puhidi naikno te diꞌare.

Fapea Pita 3:1

Uve kheraguro, igne fapea letas te riso ari iara ka ghotilo na. Iara riso ari ka ghotilo phei letas igre mala togho ghami ghotilo mala ghaoghatho fadoglo.