Fapea Pita 2:9 - Buka Blahi Ka Cheke Holo

⁹ Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Fapea Pita 2:9 ပူးပေါင်းရင်းမြစ်များ

Ululahu Korin 10:13

Gobigna lepo te mei fariuriu ghami ghotilo igre, nafnata glepo thoke dila naikno te gnafare. Nu God ginauna theome ghatho ihoni nogna nhaꞌa cheke te mala togho ghami na. Tutuani, mana ginauna theome snakreni kaisei fariuriu mala funei frunini nomi nolaghi ghotilo na. Naugna kate thoke mei ka ghotilo fariuriu na, God ginauna togho ghami ghotilo mala tangomana ghotilo te kegra heta na. Aonu, God ginauna jaola tusu ranghi ghami kaisei nabrou te mala gnafagna u fariuriu tuana.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Proveb 16:4

Lord edi gobigna lepore leghuni gaoghatho gna na. Eghuteuna Lord na jaola parani mae te diꞌa na.

Thoutonu Eigna Mae Job 5:19

God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Fapea Pita 2:4

Kate tapla jafra engel re tifa na, God neke kuru teidi Gehena mala au papara mare jare. Mare mala au fabrahu jare ka vido te romno tuana ghilei thokeni narane fate na.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Nodi Khoje Hatimare Mae Jiu 4:3

Ghatho fakelini si ghotilo cheke igne. Eigna Lord na vavahi naikno te doglo malagna thegna. Eghuteuna ka narane te kiloni iara na, Lord tangomana te nomhi ghau iara na.

Nodi Khoje Hatimare Mae Jiu 32:6

Eghume nou naikno iagho re jame te keli na mare tore ka iagho ka vido te thoke mei puhi biꞌo na. Eghuteuna jame te jateula nabritha teu te mei tadi puhi te biꞌo na, puhi biꞌo igne ginauna theome tangomana te tapla faparidi naikno tuare na.

Thoutonu Eigna Mae Job 21:30

Thoutonu na eghu agne: Ka narane te diꞌatagna God te paradi naiknore, puhi biꞌo theome thokedi naikno te diꞌa re.

Nodi Khoje Hatimare Mae Jiu 12:1

God, iagho togho mei ghami. Naugna gognaro na iagho theome tangomana te filoni kaisei naikno te keli te au teu agne na. Theo kaisei naikno te leghu nigho fabrahu.

Nodi Khoje Hatimare Mae Jiu 37:33

Nu Lord ginauna na theome tei kokoni mana, eghuteuna mae te diꞌa na theome tangomana te faleheni mana na. Jame te kegra haghe mae te diꞌa na te hata laoni mana ka fate na, mana theome tangomana te tapla soruni mae te keli na.

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Ululahu Samuel 29:10

Nathuꞌu hamerane boibongi kate aꞌaga narane na, iagho baludi nou mae soldia gre jifla ka vido igne.”