Fapea Pita 2:6 - Buka Blahi Ka Cheke Holo

⁶ God jaola neke fatedi phei namono biꞌo Sodom ghe Gomora, God neke faghamu khaꞌaghidi ne vuhai nakrofu. Igne kaisei thotoghale te mala filoni iheire te huhughuni God nei laseni unha nate thoke mei ka mare nathuꞌu nauriha na.

Fapea Pita 2:6 ပူးပေါင်းရင်းမြစ်များ

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Diutronomi 29:23

Heva heva ka nomi glose ghotilo are ginauna krogha, eghuteuna ginauna na theo kaisei glepo nate karha tagna na. Ghotilo ginauna theome tangomana te joꞌu kaisei glepo tagna na. Naugna khaꞌaghi ghe solt ginauna thafru tagna. Neubane kaisei buburu kolho, theome tangomana te jaola te karha tagna na. Nomi namono ghotilo re ginauna diꞌa jateula namono biꞌo Sodom, nei Gomora, nei Adma, nei Seboim eghu teke goigoni Lord tifa kani teke diꞌatagna fara mana ka mare ra eghu.

Naba 26:10

Aonu kate mei khaꞌaghi biꞌo te faleheni mae Kora baludi nogna phei gobi glimafulu mae re, eghuteuna braga pea glose na, phiamare jaola ne lehe balugna mana. Igne kaisei faglaglana ka iheire naikno te theome leghuni Lord re.

Ululahu Korin 10:11

Glepo teke edi kuꞌeda igre jateula te cheke faheta eghu ranghi ghita eigna nogna gloku God na. Naugna tahati auhi ka narane leghu lahu te mala ari te gnafagna nauthoglu igne.

Profet Sefanaea 2:9

Tutuani, te chekeni iara nodi God mae Israel igre na, phei kantri Moab ghe Amon igre ginauna thofno groꞌe theo tokadi jateula phei namono biꞌo Sodom ghe Gomora tifa ra eghu. Eghuteuna nodi glose mare igre ginauna theome tangomana nate karha gano na, naugna tahi kolho nate thafru ka vido tuare. Eghuteuna buburu kolho nate karha jare na. Eghuteuna nogu naikno iara te karha teu igre ginauna hata nodi glepo te keli ka naiknodi phei namono biꞌo Moab ghe Amon, eghuteuna hata fadelei teke nodi glose mare igre.”

Profet Jeremaea 50:40

Tifa na iara neke roꞌedi phei namono biꞌo Sodom ghe Gomora baludi namono te au faligohodi phei namono biꞌo igre. Eghume, iara ginauna na jateula tuana eghu roꞌeni Babilonia mala krogha theo kaisei naikno te au tagna na.” Igne chekegna Lord.

Profet Isaia 13:19

Namono Babilonia igne famane fara salaꞌudi keha namono biꞌo ka nauthoglu igne, eghuteuna naikno gna namono igne fahaehagheni fara nodi namono na. Nu Lord ginauna roꞌeni namono biꞌo igne jateula Sodom ghe Gomora tifa ra eghu.

Profet Emos 4:11

“Iara na roꞌedi keha ka ghotilo jateula teke roꞌedi iara phei namono biꞌo Sodom ghe Gomora tifa ra eghu. Uve, ghotilo te karha teu gognaro igre keli tami fara, naugna ghotilo ne jateula kaisei vido gaju teke hata fajifla mare ka khaꞌaghi biꞌo ra neu. Nu neuba, ghotilo theome magnahaghei teke pulo mei ka iara na.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Naba 16:38

Glepo igre blahi kate hata te mei mare te gahu insens na neuba mare ne lehe eidi nakhibodi re. Eghume dis teke horo mare ka bras igre iagho mala tutu fatataba mala eni kaisei thotoku biꞌo ka bras mala toku tafru nogu olta iara na. Eghuteuna thotoku igne ginauna jateula kaisei cheke fagaglana eghu ka naiknodi Israel.”

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Matiu 11:23

Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Letas Teke Riso Tei Mae Pol Ka Khiloau Rom 9:29

Igne jateula mae Isaia neke cheke eghu, “Jame Lord mae ihei te heta fara ulu ghita te gnafa na theome snakredi keha mae mala au ka noda vike gre meuna, tahati na groꞌe fahui jateula phei namono biꞌo Sodom ghe Gomora eghu.”

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.