Fapea Pita 2:4 - Buka Blahi Ka Cheke Holo

⁴ Kate tapla jafra engel re tifa na, God neke kuru teidi Gehena mala au papara mare jare. Mare mala au fabrahu jare ka vido te romno tuana ghilei thokeni narane fate na.

Fapea Pita 2:4 ပူးပေါင်းရင်းမြစ်များ

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Letas Teke Riso Tei Mae Pol Ka Khiloau Rom 8:32

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Profet Isaia 14:12

“King gna Babilonia! Iagho neke haghe fara jateula nathunu rane neku ka tathadi naiknore. Nu gognarona, iagho khoko la soru funu kligna ka maloa ro. Tifa na iagho neke kaisei mae nheta ka magra neke uludi kmana kantri, nu gognarona Lord la koko soru nigho iagho pari.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Profet Esikiel 7:4

Iara ginauna theome kokhoni ghami ghotilo, eghuteuna iara ginauna jaola theome fakarhi ghami ghotilo. Iara ginauna nake tughu fapulo glepo te diꞌa teke edi ghotilo ra. “ ‘Mala laseni ghotilo te iara ngala Lord na.’ ”

Luku 10:18

Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Profet Esikiel 5:11

Eghume, Iara eni nhaꞌa cheke igne ka nanghagu iara Lord mae ihei te karha fabrahu tifa te tifa: Naugna ghotilo ne goigoni nogu Sugablahi iara gne ne thona ka tathagu iara na eidi gobigna lepo te diꞌa te edi ghotilo igre, iara ginauna na tirogu ghami ghotilo, eghuteuna iara ginauna theome reireghi ghami ghotilo, ba kokhoni ghami fara ghotilo.

Thoutonu Eigna Mae Job 4:18

Neuba engel nogna mae gloku God te au kligna re, mana theome rouronudi mare naugna mana jaola lasedi mare theome doglo.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Fapea Pita 2:11

Nu engel gre, neubane au kligna lahu, ba au nolaghi biꞌo ke uludi mae velepuhi chaichaghi gre, mare theome tangomana te cheke fadiꞌani kaisei naikno jateula tuana eghu ke ulugna Lord.

Fapea Pita 2:5

Tifa na neke jaola, mae Noa neke cheke ka naiknore eigna puhi te doglo na. Eghuteuna kate huhughu fara naikno te diꞌa igre, God neke paradi nei kuru meini kaisei nabritha biꞌo mala falehedi. Nu mae Noa nei fitu naikno balugna eghu ngala teke karha na.

Luku 8:31

Eghuteuna naiture ne toreni mae Jisas mala thosei kuru teidi ka vido te kiloni mare “Glave mamhara te romno fara.”

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Profet Esikiel 7:9

Iara ginauna theome kokhoni ghami ghotilo, iara jaola na ginauna theome tangomana te fakarhi ghami ghotilo na. Iara ginauna nake tughu fapulo glepo te diꞌa teke edi ghotilo ra. “ ‘Mala laseni ghotilo te iara ngala Lord te para ghami ghotilo na.

Thoutonu Eigna Mae Job 21:30

Thoutonu na eghu agne: Ka narane te diꞌatagna God te paradi naiknore, puhi biꞌo theome thokedi naikno te diꞌa re.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Letas Teke Riso Tei Mae Pol Ka Khiloau Rom 11:21

Naugna neuba mare ne thofno gregegna gaju oliv gne, God theome snakredi te kaisei balumi ghotilo na, naugna mare ne theome fatutuani. Ba, gaoghathogna na jame te theome fatutuani ghotilo na, God na snakre ghami mala au ghotilo ka thofno gaju na? Theo!

Nodi Khoje Hatimare Mae Jiu 78:50

God na neke theome loku fapulo diꞌatagna na ka mare, aonu mana ne tirogna fakarhidi ne kuru mei kaisei fogra biꞌo te thono diꞌa fara mala lehe mare.