Fapea Pita 2:21 - Buka Blahi Ka Cheke Holo

²¹ Uve, te keli na mare thosei laseni nabrou te doglo igne. Naugna theome keli te laseni mare eigna nabrou igne, nei nomhini eigna vetula te blahi igne eghuteuna ke figri tagruni mare nabrou te doglo na teuna.

Fapea Pita 2:21 ပူးပေါင်းရင်းမြစ်များ

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.

Profet Esikiel 3:20

“Eghuteuna jame kaisei mae te doglo puhigna na eghuteuna figri tagruni mana puhi te keli na ne eni glepo te diꞌa na teuna, nu iagho thosei cheke kolho ka mana mala tughu puhigna te diꞌa na, mana ginauna lehe ka nakhibogna na. Iara ginauna theome ghathodi glepo te doglo teke edi mana ra, eghuteuna iara ginauna para nigho iagho eigna glehegna mana na naugna iagho neke theome kulu cheke faheta ka mana kolho.

Luku 12:47

Mae gloku te laseni unha te magnahagheni nogna mae funei na, nu theome tarabana ba theome eni unha te magnahagheni mana teuna, mae funei igne ginauna parani fara mana.

Jone 15:22

Jame theome mei iara kau nauthoglu igne te cheke ka mare na, mare na theome tangomana te filo glanidi nakhibodire. Nu gognarona theome tangomana kaisei naikno te porudi u nakhibognare.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Jone 9:41

Mae Jisas ne cheke eghu ka mare, “Te dofu tutuani ghotilo na, ghotilo jame theome jafra. Nu te chekeni ghotilo na, ‘Ghehati la lasenihi u tutuani na teuna!’ Tuana ngala gaoghathogna te chekeni iara ne jafra fara ghotilo teuna.”

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Matiu 21:32

Naugna mae Jone Apublahi neke mei falalasehi ka ghotilo nabrou te doglo te mala leghuni ghotilo na. Eghuteuna ghotilo theome fatutuani ni chekegna mana na. Nu hatimare mae te salo takis nei goro gaꞌase vine teu igre neke fatutuani ni mana. Ghotilo neke filonihi igne. Nu ghotilo heta ghemi ne tiromi tughu nagnafa nei fatutuanidi eghu chekegna mana re.”

Proveb 16:31

Khakla te nufa na jateula nogna khepi nafnakno eghu mae biꞌo na. Mana tangomana te thokeni ka nakarha te doglo.

Letas Teke Riso Tei Mae Pol Ka Khiloau Rom 7:12

Eghume, u nogna vetula God gne thono blahi fara, eghuteuna cheke te gnafa ka vetula na igre jaola blahi nei doglo nei keli eghu.

Profet Esikiel 23:13

Iara filoni naꞌa jaola te fathonani thegna ka tathagu iara na, eghuteuna naꞌa nanaba ka greghagna na.

Proveb 12:28

Puhi te doglo na, nabrou mala karha. Te leghuni nabrou te keli igne na mala karha fabrahu.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 85:8

Iara nomhini unha te chekeni nogu God na ka nogna naiknore. Mana neke nhaꞌa cheke eigna pharikeli, eghu jame teke figri tahati ka puhi fameomekro teke edi tahati ra.

Profet Esikiel 33:13

Eghuteuna jame cheke eghu iara kaisei mae te doglo na ginauna karhau kolho, nu ghathodi fabrahu mana puhi te doglo teke edi mana tifa igre nate fakarhani mana eghu, eghuteuna tapla jafra mana ka nakhibo teuna, iara ginauna theome tangomana nate fakarhini mana eidi unha glepo te doglore teke edi mana tifa re. Mana ginauna mala lehe, naugna mana neke edi glepo te diꞌa re.

Galesia 6:2

Jame kaisei mae au puhi biꞌo tagna, ghotilo toghoni mana. Te eni ghotilo igne na, ghotilo thofno leghuni nogna vetula mae Kraes na.

Ululahu Timoti 6:14

Naugna glepo teke chekedi God mala edi iagho teku ra, iagho famane leghudi ka puhi te doglo ghilei thokeni narane mala ke pulo meigna noda Lord Jisas Kraes.

Hibru 10:26

Tahati mala edi glepo igre, naugna tahati lasedi glepo te tutuanire. Eghume ihei te heta ka puhi te diꞌa na, ginauna theo kaisei fafara te tangomana nate atha kokodi nakhibognare.

Fapea Pita 3:2

Iara magnahaghe ghami ghotilo te ghathodi cheke teke edi hatimare mae profet blahi tifa ra. Eghuteuna ghotilo ghatho dila nogna cheke Lord mae ihei teke fakarhi ghita ia eghu. Ghehati mae khuru gre neke toutonunihi cheke igne ka ghotilo.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.