Fapea Pita 2:2 - Buka Blahi Ka Cheke Holo

² Kmana naikno khiloau ginauna jaola leghudi puhi diꞌa te edi mare re. Naugna igne keha naiknore na funu cheke fadiꞌani Nonomho te Keli te thofno tutuani fara igne.

Fapea Pita 2:2 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 2:24

Naugna eimi ghotilo mae Jiu, grioriso te blahi na cheke eghu, “Iheire te theome naikno Jiure, mare na cheke faparini nanghagna God na.”

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Fapea Pita 2:15

Mae velepuhi chaichaghi igre la snivihi ka nabrou te doglo na, eghuteuna mare la tei ihohi, eigna mare leghuni puhigna mae Belam, thugna mae Beo. Mae Belam tifa na neke magnahaghei sileni fara, neuba mana tangomana te hata ka puhi te theome doglo.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Mae Khuru 16:17

Gaꞌase igne mei ke leghumi ghehati nei mae Pol. Naꞌa ne cheke eghu fabiꞌo, “Mae igre, mare nogna mae gloku God te au kligna! Mare toutonuni ka ghotilo nogna puhi God te mala fakarhi ghami ghotilo na!”

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Fapea Pita 2:21

Uve, te keli na mare thosei laseni nabrou te doglo igne. Naugna theome keli te laseni mare eigna nabrou igne, nei nomhini eigna vetula te blahi igne eghuteuna ke figri tagruni mare nabrou te doglo na teuna.

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Mae Khuru 19:9

Keha mae Jiure ne patugama fara ne tirodi fatutuanidi nogna cheke mae Pol re. Eghuteuna mare ne cheke fadiꞌani u puhi te mala leghuni mae Jisas. Aonu mae Pol ne jifla ka suga tharai na baludi naikno khiloau re ne tei ka nogna suga sikolu mae Tiranas. Jare mae Pol ne cheke ranghidi naikno khiloau re leuleghu narane nabagna phei finogha. Eghuteuna mae Jiu nei Griki teu te au ka Provins Esia na igre neke kafe nomhini chekegna Lord na ka gloku te edi mae Pol igre.

Mae Khuru 18:26

Mae Apolosi gne kaisei mae frane fara ne tei ka nodi suga tharai mae Jiure ne funu toutonu eigna mae Jisas ka mare. Eghuteuna Prisila ghe mae Akuila nomhidi nogna cheke mana re ne hatani mana ne tei ka nodi suga na. Repa ne toghoni mana mala lase fakelini eigna puhi te mala thofno laseni God na.

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Nonomho Te Keli Teke Risoi Mae Mak 12:14

Aonu, mare mei ne ghusna eghu ka mana, “Mae Velepuhi, ghehati lase nigho iagho kaisei mae te cheke koba kate tutuani. Iagho theome mhaghudi unha nafnata gaoghatho te edi naiknore eimu iagho na. Neubane mae biꞌo, iagho farirhiuni ngala unha te tutuani eigna God. Ba, keliu ngala te foli takis tahati ka mae Sisa na? Ba theo?” Mae Sisa gne mae king biꞌo gna Rom.

Matiu 22:16

Mare kurudi keha nodi mae fanomho thedire, nei keha mae ka tothoghei te kiloi Herodias. Aonu mae igre mei ne cheke eghu ka mana, “Mae velepuhi, ghehati lase nigho iagho kaisei mae doglo fara. Ghehati lase nigho iagho kaisei mae te farirhiu unha te tutuani eigna puhigna God. Iagho theome mhaghudi unha te cheke eimu iagho naiknore. Naikno te kmanare kaisei nanaba ngala ka iagho.

Nodi Khoje Hatimare Mae Jiu 18:21

Iara leghu fakelini nogna vetula Lord na. Iara neke theome figri tagruni nogu God na, nei iara neke theome eni kaisei puhi te diꞌa.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Jenesis 19:5

Mare mei ne eha eghu ka mae Lot, “Aheva phei mae teke mei ka sugamu iagho agne grafi ra? Snakre meidi agne kosi, ghehati magnahaghei te thuru baludi phia mare!”

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Fapea Pita 2:7

Nu God neke fakarhini mae Lot ka phei namono igre, Sodom ghe Gomora. Eigna mae Lot gne kaisei mae doglo fara, eghuteuna mana neke au diꞌanagnafa ka puhidi naikno te diꞌare.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.