Fapea Pita 2:16 - Buka Blahi Ka Cheke Holo

¹⁶ Nu nogna dongki na neke lhotini mana mala thosei leghuni puhi te diꞌa na. Neubane iho cheke dongki na God neke toghoni dongki na mala cheke jateula naikno eghu. Dongki gne neke cheke faheta ka mana, nei tirognani mae Belam, naugna puhigna Belam na neke thono diꞌa fara.

Fapea Pita 2:16 ပူးပေါင်းရင်းမြစ်များ

Mae Khuru 26:11

Leuleghu namono na iara ruma ke lamnadi suga tharai are paradi koba nei fariuriu mala cheke fadiꞌani mare mae Jisas. Iara neke thono diꞌatagudi fara mare. Aonu iara neke tei ka keha namono te au ke kosigna namono igne mala tei hirodi nei paradi eghu.”

Luku 16:11

Eghume te theome ronu nigho mare te mala reireghidi dedei gna nauthoglu igne na, God ginauna na theome ronu nigho la ka thofno dedei te tutuani na.

Profet Hosia 9:7

Ghotilo maemi Israel ra fanomho fakeli, naugna narane teke lilisei God te mala para ghami ghotilo na la namohi. Eghuteuna nafnata puhi te para ghami God igne thofno doglo fara, eghuteuna unha najafra teke eni ghotilo na ginauna thono biꞌo fara. Eghuteuna ghotilo jateula te tiromi ghatho tahuni eghu mana. Iara lase ghami ghotilo cheke eghu ka iara, “Mae profet igne au tagna tharunga gna God, nu mana kaisei mae fagoigoli kolho eghu.” Ghotilo naikno igre tiromi ghau iara, naugna nakhibomi ghotilore biꞌo fara.

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Eklesiasti 7:25

Eghume, iara neke fariuriu fara mala lasedi gaoghatho te keli nei mala hata thua nafnata glalase. Eghuteuna iara neke loku heta mala lasedi thofno gaoghathodi thua nafnata puhi te diꞌa nei puhi te fameomekro teu igre.

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.