Fapea Pita 1:8 - Buka Blahi Ka Cheke Holo

⁸ Eghume, thofno keli fara te kotu haghe te bruara ghotilo ka nafnata puhi te keli igre ka nakarhamire. Naugna ghotilo ginauna theome fiti au kolho. Nu ghotilo ginauna ure sisi te keli ka nakarhamire kate lase fakelini ghotilo noda Lord Jisas Kraes.

Fapea Pita 1:8 ပူးပေါင်းရင်းမြစ်များ

Taetus 3:14

Uve ghema Taetus, glepo leghu lahu na igne, famane farirhiudi naikno khiloau te au Krit are mala thosei thodo ka unha gloku te kelire, nei thosei fiti au kolho eghu. Nu mare mala loku nei toghodi langau eghu naikno te kumare.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Hibru 6:12

Ghehati theome magnahaghei ghami ghotilo te thodo, nu ghehati magnahaghei ghami ghotilo mala jateula iheire teke fatutuani ni God nei ofo balu rouronu. Mare ginauna na athini unha God teke nhaꞌa cheke ranghidi.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Fapea Pita 1:2

Ghotilo thofno laseni God nei mae Jisas noda Lord. Eghume, iara toreni God mala bruara ka ghotilo nogna khokofakasai nei pharikeli.

Filimon 1:6

Eghume iara tarai nigho iagho mala loku heta iagho kate toghodi naikno khiloau eigna mae Jisas Kraes. Kate eni iagho igne, God ginauna na togho nigho mala thofno lasedi glepo te keli God teke tusu ranghi ghita tahati nogna naikno Kraes.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Filipae 2:5

Gaoghathomi nei puhimi teu ghotilo re mala jateula gaoghathogna nei puhigna eghu mae Jisas Kraes.

Fapea Korin 13:5

Ghotilo mala fariuriu ghami themi koba mala laseni ghotilo te thofno fatutuani ni Kraes ba theo. Tutuani, ghotilo thofno laseni mae Jisas Kraes te au ke lamnami na, na eghunu theome fatutuani ni mana ghotilo eghu!

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Fapea Korin 9:14

Eghuteuna kate tarai na, mare ginauna ghatho ghami ghotilo balu namha biꞌo. Naugna mare ginauna filo glani u khokofakasai teke tusu ranghi ghami God igne.

Fapea Korin 8:2

Kmana puhi biꞌo fara te fariuriudihi mare na, eghuteuna mare kuma fara. Nu neuba ngau, mare neke gleale'a fara te toghodi keha naiknore.

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Fapea Korin 8:7

Naugna ghotilo keli fara ke uludi keha naiknore ka gobigna lepo te edi ghotilo re, ka fatutuani, ka cheke, ka glalase, ka gaoghatho, ka thotogho nei ka nomi namha ranghi ghami ghehati. Eghume ghehati magnahaghe ghami ghotilo te mala jaola te bruara ka khokofakasai te mala toghodi naikno khiloau te kuma gre.

Letas Teke Riso Tei Mae Pol Ka Khiloau Rom 12:11

Thosei thodo kate loku ranghini God na, nu taji fakeli ghami themi mala au heta fabrahu ka nomi fatutuani. Uve, loku ranghini Lord ka nagnafami fateo.

Jone 5:42

Nu iara lase ghami ghotilo fara, naugna ghotilo theome namhani mae Kmagu iara na ka nagnafamire.

Matiu 25:26

“Nogna mae funei na ne cheke eghu ka mana, ‘Ghema, iagho kaisei mae gloku diꞌa fara, nei mae thodo eghu! Uve, te chekeni iagho ia, iagho lase ghauhi iara ne jateula kaisei mae te rouronu te mala tei hata gano ka nagare aheva teke theome joꞌu thegna teuna.

Matiu 20:6

Jame tanhi glimai fei grafi mana neke pulo mei ka vido mala maket na. Mana filodi keha mae kegra tafri neu jare. Mana ne cheke eghu ka mare, ‘Ne unha site fiti kegra tafri teu ghotilo agne narane tongana gnea?’

Matiu 20:3

“Ke jaola tanhi nhevai, mana jifla ne tei filodi keha mae te fiti au tafri teu ka vido mala maket na.

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Proveb 19:15

Naikno te thodo te thuru fabrahu ka suga na ginauna theo gano.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Fapea Pita 1:3

Ka nogna nolaghi God kligna, mae Jisas neke tusu ranghi ghita gobigna lepo te magnahaghedi tahati re mala au ka nakarha te doglo te magnahagheni God. Eghuteuna gobigna lepo igre noda tahati, eigna tahati thofno laseni mae Jisas Kraes mae ihei te kilo ghita ka nogna nolaghi te biꞌo nei nakarhagna te keli.

Fapea Pita 2:20

Faꞌunha? Jame lase fakelini naiknore eigna noda Lord Jisas Kraes mae ihei teke fakarhi ghita na meuna, mare na snagla ka puhigna nauthoglu igne. Nu jame teke pulo mare teke edi fabrahu puhi te diꞌa tuare, puhi biꞌo fara ginauna thokedi mare ke uluni teke ulu lahu na.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.