Fapea Pita 1:7 - Buka Blahi Ka Cheke Holo

⁷ Ghotilo mala namhadi naikno khiloau are nei namhadi naikno te gnafa.

Fapea Pita 1:7 ပူးပေါင်းရင်းမြစ်များ

Hibru 13:1

Namhadi fabrahu kherami naikno khiloau are.

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Ululahu Jone 4:21

Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Ululahu Pita 2:17

Ghatho tahudi naikno te gnafa nei namhadi kherada te gnafa ka khiloau gne. Thofno ghatho tahuni God ke uludi naikno te gnafare nei jaola ghatho tahuni mae king biꞌo gna Rom.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Kolose 3:14

Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.