Fapea Pita 1:21 - Buka Blahi Ka Cheke Holo

²¹ Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.

Fapea Pita 1:21 ပူးပေါင်းရင်းမြစ်များ

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Luku 1:70

God neke nhaꞌa chekeni igne ka tahati ka chekedi hatimare nogna mae profet te blahi ra.

Fapea Samuel 23:2

“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.

Mae Khuru 1:16

“Uve, kheraguro, u cheke teke chekeni mae Tharunga te Blahi ka mae Devet eigna mae Judas tifa ia la horoghotohi gognaro na. Naugna mae Judas gne neke baubatudi mae iheire teke tei lokini mae Jisas ia.

Hibru 10:15

Mae Tharunga te Blahi na neke cheke ranghi ghita glepo igre thofno tutuani fara. Naugna ulu lahu na mana neke cheke eghu,

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Nonomho Te Keli Teke Risoi Mae Mak 12:36

Nu mae Tharunga te Blahi na neke nhaꞌa lao gaoghatho ka mae King Devet neke cheke eghu: “ ‘God ne cheke ranghini nogu mae funei iara na, iagho gnokro agne fei nhetagu iara. Naugna iara ginauna lisei soru nou naoka iagho re ke parigna nou nolaghi na.’

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Hibru 3:7

Mae Tharunga te Blahi ne cheke eghu, “Gognaro na ghotilo fanomho fakeli ka God kate cheke mana ka ghotilo na.

Naba 16:28

Mae Moses ne cheke eghu, “Gognaro na, ghotilo ginauna laseni eigna God ngala teke kuru mei ghau iara mala edi gobigna lepo igre. Eghuteuna ghotilo ginau jaola laseni te theome edi iara gobigna lepo igre ka gaoghathogu thegu na.

Mae Khuru 28:25

Eghuteuna mare ne theo kaisei nodi gaoghatho ne magnahaghei jifla nodi. Nu mae Pol ka nogna cheke leghu lahu ranghidi mare na neke cheke eghu, “Mae Tharunga te Blahi na neke cheke ka tutuani ranghidi mae ku'emi ghotilo ra ka mae Profet Isaia. Ka narane tuana mana neke cheke eghu,

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Hibru 9:8

Ka puhi igne, mae Tharunga te Blahi thofno falalase fakeli ka tahati u nabrou te mala ruma kau chogho te blahi fara na, u nabrou igne theome thora ngau, naugna suga tapuale gna tifa igne kegra ngau.

Ululahu Kings 13:1

Kate kegra fafara teu mae Jeroboam ka olta na, kaisei nogna profet God ne mei ka mana. Mae profet igne kaisei maegna Juda, eghuteuna Lord neke chekeni mana mala jifla Juda tei Betel.

Josua 14:6

Keha maedi Juda ne tei Gilgal ka mae Josua. Eghuteuna mae Kaleb thugna mae Jefune igne, mana kaisei mae ka vikegna mae Kenas. Mana ne cheke eghu ka mae Josua, “Kani au teku tahati ka namono Kades Banea, Lord neke cheke ka mae Moses nogna mae gloku na eidi unha teke magnahaghedi mana ka tapa ra. Iagho jame ghathoniu igne.

Profet Maeka 3:7

Eghuteuna jame te theome filodi naiknore glepo teke toutonudi ghotilo ra, ghotilo ginauna thofno mamaja fara. Naugna theo kaisei cheke tughu te mei funu ka God.”

Fapea Kronikols 8:14

Mana vavahi keha mae pris mala loku leuleghu narane, leghuni unha teke chekeni mae kmagna na. Eghuteuna mana vahidi mae Livaet mala toghodi hatimare mae pris, mala koje nei mala kilo fnaknoni God. Mana jaola vahidi mae iheire te mala reireghi grengathagna Sugablahi na, leghuni unha teke chekeni mae Devet nogna mae gloku God tifa.

Fapea Kings 6:15

Hamerane boibongi, nogna mae gloku mae Elisa igne ne dofra haghe ne jifla kosi. Aonu nogna mae gloku Elisa na ne filodi nodi armi mae Siria balu hose nei chariot, mare mei ne kegra ligohoni namono igne. Aonu mana figri ka mae Elisa ne cheke eghu ka mana, “Tore, mae funei! Maedi Siria gre la mei kegra faligoho ghitahi. Unha nate eni tahati ginauna?”

Fapea Kings 6:10

Aonu kate nomhini king gna Israel cheke igne, mana ne fatei nonomho ka hatimare mae soldia mala kulu tei au ka vido aheva te magnahaghei mei au tagna maedi Siria igre. Eghuteuna kate mei mae Siria ka vido igne, mare filodi maedi Israel gre auhi jare kaikaliti mala magra. Aonu mae Siria ne theome mei au ka vido tuana. Nafnata puhi igne mae Elisa chekeni koba kmana fata ranghini king.

Ululahu Kings 17:24

Aonu naikno biꞌo igne ne cheke eghu ka mae Elija, “Tutuani fara, iara gognaro na lase nigho iagho kaisei nogna mae gloku God. Eghuteuna unha te chekeni iagho na thofno mei funugna ka Lord!”

Ululahu Kronikols 23:14

Nu thugna mae Moses nogna mae gloku God igne, mare loku fodu kolho baludi hatimare mae Livaet.

Fapea Kings 4:22

Eghuteuna naꞌa ehani khetogna na ne cheke eghu, “Iagho kuru meini kaisei mae gloku balugna kaisei dongki. Naugna iara magnahaghei te ghosei te tei filoni mae profet. Eghuteuna iara ginauna theome raugha nake pulo mei.”

Fapea Kings 4:9

Kaisei fata naikno biꞌo igne ne cheke eghu ka khetogna na, “Iara thofno laseni, mae te mei ghamu koba baluda tapa igne kaisei mae blahi nogna God.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Fapea Kings 4:7

Aonu naikno biꞌo igne tei neke filoni mae profet Elisa. Eghuteuna mae Elisa ne cheke eghu ka naꞌa, “Iagho tei fofoli oel, mala tei foli falehe nogna kaoni khetomu na. Eghuteuna niha sileni te salaꞌu na, iagho tangomana te foli gano malami ghotilo tharakna na.”

Profet Jeremaea 23:26

Tore, niha fata toutonu chaichaghi fabrahu ka naiknore si mae profet igrea? Leuleghu fata na mare chekedi koba nodi gaoghatho thedi te fameomekrore.

Profet Maeka 1:1

Igne nogna cheke Lord neke mei ka profet Maeka maegna ka namono Moreset. Lord ne falalase nogna cheke re ka mifi kate King Jotam, nei ka narane King Ehas, nei ka narane King Hesekaea, mae igre neke kafe king Juda. Mifi igre cheke eidi naikno gna namono Samaria, nodi namono biꞌo naiknodi Israel, nei naikno gna namono Jerusalem, nodi namono biꞌo naiknodi Juda.