Fapea Pita 1:17 - Buka Blahi Ka Cheke Holo

¹⁷ Eghuteuna ka narane tuana God Kmada neke fafnaknoni nanghagna mae Jisas na, eghuteuna fasiasiglani mana ka nogna nolaghi te biꞌo na. Naugna God mae te nolaghi fara kligna lahu na neke cheke eghu mei, “Igne thofno mae Thugu iara na. Iara namhani mana nei keli taguni eghu mana.”

Fapea Pita 1:17 ပူးပေါင်းရင်းမြစ်များ

Nonomho Te Keli Teke Risoi Mae Mak 9:7

Ka vido tuana kaisei gromno ne mei toku tafrudi mare. Eghuteuna thilomare ne nomhini God te cheke eghu mei funugna kau gromno na, “Igne thofno mae Thugu iara na. Iara namhani fara mana. Ghotilo fanomho fakeli ka unha te chekedi mana re!”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Nonomho Te Keli Teke Risoi Mae Mak 1:11

Ka vido tuanala kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Jone 5:26

Uve, u thofno karha na mei funu ka thegna mae Mama. Eghume mae Mama neke snakreni ka iara mae Thugna na mala tufa u karha tuana ka ihei te nomhi ghau nei leghu ghau teu iara na.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Fapea Jone 1:3

God Kmada ghe mae Thugna Jisas Kraes, phiamare ginauna na fablahi ghita balu nodi khokofakasai, kokhoni ghita, pharikeli, nei balu tutuani nei namha.

Luku 10:22

“Mae Kmagu iara na la lisa meihi ka khamegu iara na gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire teke vahidi iara re ngala, iara ginauna cheke ranghidi eigna mae Mama, eghuteuna mare ginauna jaola laseni mae Mama.”

Fapea Korin 1:3

Tahati mala cheke fakelini God nei Kmagna noda Lord Jisas Kraes! Mae ihei te kokhonidi nei tarabana mala toghodi teu naikno te gnafare.

Fapea Korin 11:31

God nei Kmagna noda Lord Jisas Kraes laseni te theome chaichaghi iara na. Tahati cheke fakelini nanghagna mana na tifa tifa!

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Jone 6:39

Mae ihei teke kuru mei ghau iara na mana theome magnahaghei ghau iara te lisa lao mala sniki kaisei naikno teke chekedi mana mala reireghidi iara teku igre, nu mala fakarha fapulodi iara kau narane leghu lahu na.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Matiu 17:3

Aonu thilomare ne filodi mae Moses ghe mae Elija facheke neu balugna mae Jisas.

Jone 14:11

Khogla fatutuani ghau iara te au balugna mae Mama, nei mae Mama au balugu iara. Ghotilo jame fatutuanidi nogu cheke iara te tutuani igre, naugna ghotilo la filodihi gloku biꞌo te edi iara ra eghu. Eghuteuna ghotilo mala fatutuani eidi glepo tuare.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Letas Teke Riso Tei Mae Pol Ka Khiloau Rom 15:6

Ka puhi igne, ghotilo te gnafa na ginauna mala kaisei nagnafa ngala mala kilo fnaknoni God Kmagna noda Lord Jisas Kraes.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Jone 5:20

Mae Kmagu iara na namha ghau iara mae Thugna na nei mana falalase ka iara gobigna lepo te edi mana re. Mana ginauna falalase ka iara u gloku ke biꞌodi te edi iara igrei, eghuteuna ghotilo ginauna kafe jaglo nomi fara ka thoke meidire.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.