Fapea Pita 1:16 - Buka Blahi Ka Cheke Holo

¹⁶ Kate toutonuni ghehati mae khuru gre meigna noda Lord Jisas Kraes na, ghehati neke theome toutonu ka ghotilo famane thoutonu neke hohoro haghe kolho keha naiknoi. Theo. Nu ghetilo mae Jemes nei mae Jone neke thofno filo tathami teke siasigla mae Jisas ka nogna nolaghi biꞌo God na.

Fapea Pita 1:16 ပူးပေါင်းရင်းမြစ်များ

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Ululahu Timoti 1:4

Iagho jaola chekedi mae te farirhiu chaichaghi tuare mala thosei toutonudi mare nafnata susurei te theome tutuani nei thura nangha te brahu, nanghadi hatimare mae biꞌodi tifa ra. Glepo igre mala faꞌeiꞌei magra kolho ka naiknore, eghuteuna naiknore ginauna theome eni unha teke ghathoni God te mala eni mare teku na. Naugna kaisei puhi fatutuani ngala te tangomana te mala togho ghita te mala leghuni tahati gaoghathogna God na.

Ululahu Timoti 4:7

Iara theome magnahaghe nigho iagho te fanomho ka thoutonu te chaichaghi fara te theome nanaba ka chekegna God te tutuani fara. Nu te keli na iagho farirhiu nigho themu kolho mala leghuni God.

Ululahu Korin 2:4

Nogu farirhiu nei nogu thoutonu teu iara ka ghotilo igre theome jateula puhidi mae te lalase fara nei mae te lase cheke ra eghu. Nu iara toutonuni u Nonomho te Keli igne ka nafnata puhi te mala lase fakelini nogna nolaghi Tharunga gna God na.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Ululahu Korin 1:17

Kraes neke theome kuru ghau iara mala faꞌapublahi naikno kolho. Theo. Mana neke kuru ghau iara mala toutonu eigna u Nonomho te Keli na. Iara theome tangomana te toutonuni u Nonomho te Keli na ka nafnata puhi te eni mae ihei te lalase fara na, na eghunu glehe teke eni Kraes ka gaju fafatha na igne theo nafugna kolho eghu.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Taetus 1:14

nu mala thosei leghudi u nodi thoutonu poto mae Jiu are, ba u nodi vetula naikno te tirodi leghuni u farirhiu te tutuani na.

Letas Teke Rioriso Mae Jud 1:14

Mae Inok teke karha ka fafitu phagusu ke leghugna mae Adam na neke kulu laseni unha nate eni ka mae igre. Eghuteuna mana neke cheke eghu eidi mare, “Filo si ghotilo, Lord ginauna mei balu nogna thogha thogha engel te blahi.

Fapea Tesalonika 2:9

Mae mala huhughuni vetula igne ginau mei ka nogna nolaghi mae Satan, eghuteuna mana ginauna edi kmana kofubobhoi chaichaghi, fagaglana nei glepo biꞌo mala jaglo naiknore.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Ululahu Tesalonika 2:19

Eigna ghotilo nomi grouronu, nomi gleale'a, nei nomi nafnakno. Uve, naugna eimi ghotilo, ghehati thofno gleale'a fara kate kegra fodu balugna Lord Jisas Kraes kate pulo mei mana na.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Ululahu Korin 5:4

Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Ululahu Korin 2:1

Kheraguro, kani teke ari ka ghotilo ia, iara neke toutonuni chekegna God teke theome laseni naiknore tifa ia. Iara jaola theome toutonu ka ghotilo jateula kaisei mae te lase cheke fara ba mae te lalalase fara.

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Matiu 24:27

Kate meigu iara mae teke mei funu ka God na, naikno kmana ginauna filo ghau iara. Meigu iara ginauna jateula nakafli te kafli ka maloa na ia eghu. Eghuteuna naiknore ginauna tangomana te filoni heva heva.

Matiu 24:3

Kate gnokro mae Jisas ka Thogele Gaju Olivi, hatimare mae fanomhore mei ne ghusna poru eghu ka mana, “Ghema, niha nau thoke meidire glepo igrea? Eghuteuna unha nafnata fagaglana narane mala ke pulo meimu nei narane mala huigna teu nauthoglu igne?”

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 17:1

Ka fafamno narane ke leghugna igne, mae Jisas hata mae Pita nei phei mae thabusigna, mae Jemes ghe mae Jone, ne haghe ka kaisei thogele brahu ne au thedi jare.

Nonomho Te Keli Teke Risoi Mae Mak 13:26

“Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno te biꞌo.

Nonomho Te Keli Teke Risoi Mae Mak 14:62

Mae Jisas ne cheke eghu ka mana, “Uve, iara ngala. Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara na mei ke kligna grokho ka maloa.”

Luku 1:2

Tahati lasedi ka mae iheire teke thofno filodi glepo igre funu tifa nei risodi. Mare jaola neke toutonuni u Nonomho te Keli na.

Luku 9:43

Naiknore ne kafe jaglo nodi fara kau nogna nolaghi biꞌo God na. Kate kafe jaglo nodi fara teu naiknore ka unha te edi mae Jisas igre, mae Jisas ne cheke eghu ka nogna mae fanomhore,

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.