Fapea Kronikols 9:7 - Buka Blahi Ka Cheke Holo

⁷ Nou mae biꞌo nei nou mae gloku teu iagho igre thono glealeꞌa nodi fara, naugna mare ne au balumu iagho fabrahu ne nomhidi nou cheke nei nou famane gaoghatho te keli teu iaghore.

Fapea Kronikols 9:7 ပူးပေါင်းရင်းမြစ်များ

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Proveb 3:14

Naugna unha te hata iagho ka gaoghatho te keli nei glalase teuna thofno keli fara salaꞌudi silva ghe gol.

Proveb 3:3

Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Ululahu Kings 10:8

Hatimare nou mae funei, nei hatimare nou mae gloku teu iagho igre thofno kelitadi fara, naugna mare au fabrahu balumu iagho, eghuteuna mare tangomana te nomhidi nou famane cheke iagho re!

Diutronomi 33:9

Eghuteuna keha fata na, ghotilo faꞌuveni Lord neke theome nangadi idomi kmami ra, ba kherami ba thumi teu ghotilo ra. Ghotilo neke reireghini kolho nogna nhaꞌa cheke Lord.

Fapea Kronikols 9:6

Nu iara neke theome fatutuani la ghilei mei filo tathagu. Iagho lalase tutuani fara, eghuteuna iagho dedei fara salaꞌudi unha te mei cheke naikno gre ka iara ra. Uve, iara neke nomhini kakatha kolho eidi gobigna glepo igre.

Fapea Kronikols 9:8

Iara cheke fakelini Lord nou God iagho na! Mae ihei te vahi nigho iagho te mala king gna Israel, eghuteuna mana kelitagna fara ka iagho. Naugna mana ghatho tahu ghami ghotilo naiknomi Israel fabrahu, mana vahi nigho iagho mala king nei mala batudi eghu iagho naiknodi Israel ka puhi te keli, nei mala fatedi naiknore ka puhi te doglo.”