Fapea Kronikols 9:31 - Buka Blahi Ka Cheke Holo

³¹ Kate lehe mana na, mare ne giugiluni mana ka bekudi kuꞌegna ra ka nogna Namono biꞌo King Devet. Eghuteuna thugna mana Rehoboam hata sapegna mana na neke king.

Fapea Kronikols 9:31 ပူးပေါင်းရင်းမြစ်များ

Ululahu Kings 2:10

Aonu kate lehe mae Devet na, mare ne giugiluni mana Jerusalem.

Ululahu Kings 1:21

Jame te theome cheke iagho ka mare gognarogne na, kate lehe iagho na, mare ginauna filo ka ghepa Solomon na jateula naikno te diꞌa ra eghu kolho, eghuteuna mare ginauna falehe ghami ghepa.”

Fapea Samuel 7:12

Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Ululahu Kings 11:43

Kate lehe mana na, mare neke giugiluni mana ka nogna Namono biꞌo King Devet. Aonu thugna mana mae Rehoboam igne teke kegra king tughuni mana na.

Fapea Kronikols 10:1

Mae Rehoboam ne tei Sekem, aonu vikegna Israel te au ke mata igre ne kafe mei ka vido igne mala king mae Rehoboam mala funei frunidi.